মঙলবাৰে যাতায়াতৰ বাবে মুকলি হ’ল উত্তৰ-পূৰ্বাঞ্চলৰ সৰ্বাধিক দৈৰ্ঘ্যৰ আৰু সৰ্বাধিক বাজেটেৰে নিৰ্মাণ কৰা অত্যাধুনিক মহাৰাজ পৃথু উৰণ সেতু (Maharaj Prithu flyover )। মঙলবাৰে সন্ধিয়া মুখ্যমন্ত্ৰী ডঃ হিমন্ত বিশ্ব শৰ্মা (Assam CM)ই নুনমাটি-দীঘলীপুখুৰী সংযোগী (Connected to Nunmati-Dighalipukhuri) এই অত্যাধুনিক উৰণ সেতুখন (Fly over) মুকলি কৰে। এই উৰণ সেতুখন নিৰ্মাণত ব্যয় হৈছে ৮৫০ কোটি টকা (Expenditure Rs 50 crore)। উল্লেখযোগ্য যে অসম চৰকাৰৰ লোক নিৰ্মাণ বিভাগে প্ৰায় ২৮ মাহত এই উৰণ সেতুখন নিৰ্মাণ কৰি উলিয়াইছে।
উল্লেখযোগ্য যে আজি উদ্বোধনৰ পিছত এই উৰণ সেতুৰ দুটা অংশ চানমাৰিৰ পৰা গুৱাহাটী ক্লাবলৈ তিনিদিনৰ বাবে ৱাকিং জ’ন হৈ থাকিব। আনহাতে, পৰৱৰ্তী সময়ত উলুবাৰী-গুৱাহাটী ক্লাবৰ সৈতে আৰু চানমাৰি-ৰাজগড়ৰ সৈতে উৰণ সেতুখন সংযোগ কৰা হ’ব।
উল্লেখযোগ্য যে ৪.৫ কিলোমিটাৰ দৈৰ্ঘ্যৰ উৰণ সেতুখনত ১১৯ স্পান ষ্টীল গাডাৰ ব্যৱহাৰ কৰা হৈছে। লোক নিৰ্মাণ বিভাগৰ অধীনত গৌতম কনষ্ট্ৰাকচন কোম্পানী লিমিটেড আৰু অনুপম নিৰ্মাণ প্ৰাইভেট লিমিটেড কোম্পানী দুটাই যুটীয়াভাৱে ৪.৫ এই উৰণ সেতুখন নিৰ্মাণ কৰিছে। এই উৰণ সেতুখন নিৰ্মাণৰ বাবে ৩ বছৰ সময় ধাৰ্য কৰা হৈছিল যদিও তাৰ পূৰ্বেই অভিলেখ সময় মাত্ৰ ২৮ মাহৰ ভিতৰতে ইয়াৰ নিৰ্মাণ কাৰ্য সম্পূৰ্ণ কৰা হৈছে। উল্লেখযোগ্য যে উৰণ সেতুখনৰ চানমাৰিত এটা ৰ’টাৰী পইণ্ট নিৰ্মাণ কৰা হৈছে আৰু তাত অসমীয়া সংস্কৃতিৰ বিভিন্ন বিষয় উপস্থাপন কৰা হ’ব।
আন এক উল্লেখযোগ্য কথা হৈছে যে উৰণ সেতুখনৰ সৌন্দৰ্যবৰ্ধনৰ ঠিকা লাভ কৰিছে এগৰাকী মহিলাৰ এটা কোম্পানীয়ে। ‘জীয়ৰী লেণ্ডস্কেপিং কোম্পানী’ নামৰ এই কোম্পানীটোৰ স্বত্বাধিকাৰী হৈছে নম্ৰতা আগমাচাৰ্য। উৰণ সেতুখনৰ সৌন্দৰ্যবৰ্ধনৰ বাবে প্ৰায় ২০ প্ৰজাতিৰ ৪০০০ গছপুলি ৰোপণৰ পৰিকল্পনা কৰিছে কোম্পানীটোৱে। উৰণ সেতুখন মুকলি কৰি মুখ্যমন্ত্ৰীয়ে কয়, “ঐতিহ্য আৰু উন্নয়নৰ যুগলবন্দী— মহাৰাজ পৃথু উৰণ সেতু। আজিৰ এই সময় গুৱাহাটী তথা অসমবাসীৰ বাবে সঁচাকৈয়ে এক গৌৰৱৰ ক্ষণ হিচাপে পৰিগণিত হ’ব৷ বহু আগ্ৰহেৰে বাট চাই ৰোৱা ৰাজ্যখনৰ সৰ্বাধিক দীঘল উৰণ সেতু মহাৰাজ পৃথু উৰণ সেতুখন আজি আপোনালোকৰ বাবে উছৰ্গা কৰিবলৈ পাই অতি আনন্দিত৷ অতি কম সময়ত সম্পূৰ্ণ হোৱা এই উৰণ সেতুখন কেৱল এখন সেতুৱেই নহয়, ই অসমৰ দ্ৰুত গতিত বিকাশ-উন্নয়নৰ আমাৰ নিৰৱধি যাত্ৰাৰ সংকল্পৰ প্ৰতীক।”
তেওঁ লগতে কয়, “মহান কামৰূপ নৃপতি মহাৰাজ পৃথুৰ স্বাভিমান, বীৰত্ব, সাহস আজি বুৰঞ্জীৰ পৃষ্ঠাত যিধৰণে লিপিবদ্ধ হৈছে, আমি সেই অধ্যায়ক আৰু কিছু আগুৱাই লৈ যাব বিচাৰি কামৰূপৰ অন্যতম শ্ৰেষ্ঠ ৰজাগৰাকীৰ নামত নামাংকিত কৰিলোঁ৷ সেইবাবে গুৱাহাটীত নিৰ্মিত এই উৰণ সেতুখনে আমাক সদায় সোঁৱৰাই থাকিব— অসমে ডাঙৰ সপোন দেখে, সাহসেৰে লক্ষ্য সাধন কৰে আৰু কোনো বাধাৰ সন্মুখত কেতিয়াও নত নহয়।”
