বাণিজ্যিক সংস্থাৰ সৈতে চৰকাৰে প্ৰৱৰ্তন কৰা নিয়ম-নীতিসমূহ চালকৰ বাবে ক্ষতিকাৰক। লগতে শীঘ্ৰে ভাড়া বৃদ্ধিৰ দাবী জনাই নিয়মত কিছু শিথিলতাৰো দাবী জনাইছে ওলা (Ola) আৰু উবেৰ চালক সন্থা (Uber Drivers Association)ই। এই দাবীত তেলেংগানাৰ গিগ এণ্ড প্লেটফৰ্ম ৱৰ্কাৰ্ছ ইউনিয়নে ধৰ্মঘটৰ আহ্বান জনাইছে। তেওঁলোকে কৈছে যে সমগ্ৰ দেশতে শনিবাৰে ৬ ঘণ্টা (6 Hours) ধৰি একেৰাহে এই সেৱা উপলব্ধ নহ’ব (Service will not be available)। এই বিষয়টো তেওঁলোকে বুধবাৰে ছ’চিয়েল মিডিয়াত শ্বেয়াৰ কৰে। তাত তেওঁলোকে সকলো চালকক এই অনুৰোধ জনাইছে।
সংস্থাটোৱে কয় যে ভাড়াৰ বিনিময়ত তেওঁলোকে যি হাৰ পাইছে সেয়া যথেষ্ট নহয়। গতিকে তেওঁলোকে নিজৰ দাবীত অটল থাকিব। ইতিমধ্যে মটৰ গাড়ীৰ গাইডলাইন মানি চলিছে যদিও তাত তেওঁলোকৰ সমস্যা বাঢ়িছে।
সংগঠনটোৱে দাবী কৰিছে যে চৰকাৰে যদি তেওঁলোকৰ ভাড়াৰ ওপৰত চকু নিদিয়ে তেন্তে আগন্তুক দিনত তেওঁলোকে ডাঙৰ সিদ্ধান্ত ল’ব। তাত সৰ্বাধিক কষ্ট পাব সাধাৰণ জনতাই। ইয়াৰ পূৰ্বেও বহুবাৰ দাবী উত্থাপন কৰিছে যদিও একো ফল হোৱা নাই বুলিও কয়।
ইফালে ধৰ্মঘট ঘোষণাৰ পিছৰে পৰা সাধাৰণ ৰাইজৰ ওপৰত যথেষ্ট হেঁচা পৰিছে। বহুতে প্ৰতিদিনে ওলা আৰু উবেৰ ব্যৱহাৰ কৰে। তাত তেওঁলোকে বিকল্প পথৰ কথা ভাবিব লাগিব। ইমান দিনে তেওঁলোকে এই সেৱা অতি সহজে পাই আহিছে। ফলত এই ধৰ্মঘটৰ বাবে সমস্যা বাঢ়িব। দীৰ্ঘদিন ধৰি এই দাবী উত্থাপন কৰি আহিছে সংগঠনটোৱে। অৱশ্যে চৰকাৰে ইয়াৰ প্ৰতি কোনো গুৰুত্ব দিয়া নাই। এইবাৰ তেওঁলোকৰ হাতত ধৰ্মঘটৰ বাহিৰে আন কোনো বিকল্প নাই। অৱশ্যে ইয়াৰ ফলত উদ্ভৱ হ’ব পৰা অসুবিধাৰ কথাও তেওঁলোকে মনত ৰাখিছে। ফলত এক নিৰ্দিষ্ট সময়ৰ বাবে এই ধৰ্মঘটৰ আহ্বান জনাইছে। সংগঠনটোৰ নেতাসকলে নিৰ্দিষ্ট সময়ৰ পিছত এই ধৰ্মঘট প্ৰত্যাহাৰ কৰা হ’ব বুলিও জনাইছে। অৱশ্যে তেওঁলোকে ধৰ্মঘটৰ ৬ ঘণ্টাৰ ভিতৰত দুখ-কষ্ট বাঢ়িব বুলি খবৰ পোৱা গৈছে।
