শ্ৰীমন্ত শংকৰদেৱ সংঘৰ ৮৯ সংখ্যক বোকাখাত অধিবেশনৰ অন্যতম আকৰ্ষণ নামঘৰৰ তোৰণ

ASSAM TIMES POST

 সমন্বয় ক্ষেত্ৰৰ পৰা অজন্তা তালুকদাৰ
অসমৰ বিশিষ্ট ভাস্কৰ্য শিল্পী পাপু ঘোষৰ প্ৰচেষ্টাৰে শ্ৰীমন্ত শংকৰদেৱ সংঘৰ ৮৯ সংখ্যক বোকাখাত অধিবেশনৰ অস্থায়ী নামঘৰৰ তোৰণৰ শলাগনীয় প্ৰচেষ্টা। কাজিৰঙাৰ বিশিষ্ট চিত্ৰ আৰু ভাস্কৰ্য শিল্পী জনাৰ সুন্দৰ শৈল্পিক হাতৰ পৰশত প্ৰাণ পাই উঠা এই নিপুণ ভাস্কৰ্য শ্ৰীমন্ত শংকৰদেৱ সংঘৰ ৮৯ সংখ্যক বোকাখাত অধিবেশনৰ আকৰ্ষণৰ অন্যতম কেন্দ্ৰ হৈ উঠিছে।

অসমৰ বৈষ্ণৱ সংস্কৃতিৰ বৈশিষ্ট্য সমূহ প্ৰতিফলিত কৰি গঢ় লৈ উঠা এই তোৰণখনিত আছে কাছ, কাছৰ পিঠিত হাতী, হাতীৰ পিঠিত সিংহ আৰু দশাৱতাৰ ইত্যাদি। শিল্পী গৰাকীয়ে জানিবলৈ পোৱা মতে দিবা-নৈশ প্ৰচেষ্টাৰে পাঁচ দিনৰ ভিতৰতে এই তোৰণখনি সম্পূৰ্ণ কৰিব পৰা গ’ল। তোৰণখনি সংঘৰ বোকাখাত জিলা শাখাৰ প্ৰাক্তন সভাপতি স্বৰ্গীয় ভোলা বৰুৱাৰ সোঁৱৰণত প্ৰসন্ন বৈষ্ণৱ বৰুৱা আৰু তেখেতৰ মাতৃয়ে প্ৰদান কৰিছে।