ব্যক্তিগত অংগত পানীৰ পাইপ সুমুৱাই বন্ধুক হত্যা কৰাৰ অপৰাধত গ্ৰেপ্তাৰ দুজন (Murder)। বাকী দুজন অভিযুক্তক বিচাৰি আছে আৰক্ষীয়ে। ফৰিদাবাদৰ ছেক্টৰ ৫৮ এলেকাত সংঘটিত হৈছে এই ঘটনা।
আৰক্ষীয়ে জনোৱা মতে, মনোজ চৌহান স্থানীয় সঞ্জয় কলনীৰ বাসিন্দা। তেওঁৰ চাৰি বন্ধু আতিন্দৰ, কাৰ্তিক, সন্দীপ আৰু ৰাহুলে তেওঁক হত্যা কৰাৰ অভিযোগ। চাৰিওজনৰ বয়স ৩০ বছৰৰ তলৰ। মনোজে এটা ফাৰ্ম হাউছত গা ধুই থকা সময়ত এই ভয়ংকৰ ঘটনাটো সংঘটিত হয়।
অভিযোগ অনুসৰি, চাৰিওজন বন্ধুৱে মনোজৰ ব্যক্তিগত অংগত পানীৰ পাইপ সুমুৱাই দিয়ে। তাৰ পাছত জোৰকৈ পানী এৰি দিয়ে। যাৰ বাবে মনোজ শৰীৰত গুৰুতৰভাৱে আঘাতপ্ৰাপ্ত হয়।
পিছত চিকিৎসালয়ত চিকিৎসাধীন অৱস্থাত তেওঁৰ মৃত্যু হয়। ঘটনাৰ পিছতে মনোজৰ ভাতৃ আনন্দ চৌহানৰ অভিযোগৰ ভিত্তিত ভাৰতীয় দণ্ডবিধিৰ নিৰ্দিষ্ট ধাৰা অনুসৰি ৫৮ নং ছেক্টৰ থানাত অভিযুক্তৰ বিৰুদ্ধে এফআইআৰ ৰুজু কৰা হয়। আৰক্ষীৰ ওচৰত দাখিল কৰা এজাহাৰ অনুসৰি, ১৭ মে’ৰ পুৱা চাৰিজন বন্ধুৱে মনোজক লৈ গৈছিল এটা ফাৰ্ম হাউছলৈ।
ইয়াৰ পিছতে তেওঁক গুৰুতৰ অৱস্থাত ঘৰলৈ পঠিওৱা হয়। ঘৰত নমাই থৈ যোৱাৰ সময়ত তেওঁলোকে কয় যে মনোজৰ শাৰীৰিক অৱস্থা যথেষ্ট বেয়া।
ঘটনাৰ পিছতে সঞ্জয়ৰ কলনী অঞ্চলৰ বাসিন্দা অভিযুক্ত সন্দীপ আৰু ৰাহুল ওৰফে কবুটৰক গ্ৰেপ্তাৰ কৰা হয়। বাকী দুজন অভিযুক্ত আতিন্দৰ আৰু কাৰ্তিকক বিচাৰি অভিযান আৰম্ভ হৈছে।
জেৰাৰ সময়ত অভিযুক্তই কয় যে তেওঁলোক মনোজৰ বন্ধু। ১৬ মে’ৰ নিশা দুয়ো বিয়াত অংশগ্ৰহণ কৰিবলৈ গৈছিল। পিছদিনা ডাম্পিং গ্ৰাউণ্ডৰ ওচৰৰ এটা ফাৰ্ম হাউছলৈ গৈছিল। ঘটনাৰ সময়ত সন্দীপে মনোজক ধৰি ৰাখিছিল। সেই সময়ত ৰাহুলে পানীৰ পাইপ এডাল মনোজৰ ব্যক্তিগত অংগত সুমুৱাই দিয়ে।
পানীৰ প্ৰবল গতিৰ বাবে আভ্যন্তৰীণভাৱে গুৰুতৰভাৱে আঘাতপ্ৰাপ্ত হয় মনোজ। তাৰ পিছত মনোজক ঘৰত নমাই দিয়ে। পিছত চিকিৎসালয়ত চিকিৎসাৰ সময়ত তেওঁৰ মৃত্যু হয়। আৰক্ষীয়ে জনোৱা মতে, বাকী দুজন অভিযুক্তৰ সন্ধানত তালাচী অব্যাহত আছে।
