বুধবাৰে ঘোষণা হয় উচ্চতৰ মাধ্যমিকৰ চূড়ান্ত পৰীক্ষাৰ ফলাফল (HS Exam 2025)। এই পৰীক্ষাৰ কলা, বিজ্ঞান আৰু বাণিজ্য তিনিওটা শাখাৰে ফলাফল ঘোষণা কৰা হয়। পুৱা ৯ বজাত ঘোষিত ফলাফল অনুসৰি কলা শাখাত উত্তীৰ্ণৰ হাৰ হৈছে ৮১.০৩%।
কলা শাখাত পৰীক্ষাত অৱতীৰ্ণ মুঠ ২২৬৭৫৬ গৰাকী প্ৰাৰ্থীৰ ভিতৰত ১৮৪৭৪৫ গৰাকী উত্তীৰ্ণ হয়। ইয়াৰে ভিতৰত প্ৰথম বিভাগত ৪৯৫৭৭,cদ্বিতীয় বিভাগত ৮০৬৫০ আৰু তৃতীয় বিভাগত ৫৩৫১৮ গৰাকী উত্তীৰ্ণ হয়।
আনহাতে, বিজ্ঞান শাখাত উত্তীৰ্ণৰ হাৰ হৈছিল ৮৪.৮৮%। পৰীক্ষাত অৱতীৰ্ণ হোৱা মুঠ পৰীক্ষাৰ্থী আছিল ৫৬৯০৯ গৰাকী। ইয়াৰে ভিতৰত ৪৮৩০৯ গৰাকী উত্তীৰ্ণ হয়।
বিজ্ঞান শাখাত প্ৰথম বিভাগত ২৫৮২৭, দ্বিতীয় বিভাগত ১৯২৮৬ আৰু তৃতীয় বিভাগত উত্তীৰ্ণ হয় ৩১৯৬ গৰাকী। একেদৰে বাণিজ্য শাখাত উত্তীৰ্ণৰ হাৰ হৈছে ৮২.১৮%।
পৰীক্ষাত অৱতীৰ্ণ মুঠ ১৭৭৪৬ গৰাকী পৰীক্ষাৰ্থীৰ ভিতৰত উত্তীৰ্ণ হয় ১৪৫৮৪ গৰাকী। আনহাতে, প্ৰথম বিভাগত ৬৫১৯, দ্বিতীয় বিভাগত ৫৭৬০ আৰু
তৃতীয় বিভাগত উত্তীৰ্ণ হয় ২৩০৫ গৰাকী।
ইফালে ৯৪.২১ শতাংশ উত্তীৰ্ণ হাৰেৰে কলা শাখাৰ শীৰ্ষস্থান দখল কৰে বাক্সা জিলাই। আনহাতে, ১০০ শতাংশ উত্তীৰ্ণৰ হাৰেৰে বিজ্ঞান শাখাত ৰাজ্যৰ ভিতৰত শীৰ্ষস্থান দখল কৰিছে পশ্চিম কাৰ্বি আংলং জিলাই।
একেদৰে ১০০ শতাংশ উত্তীৰ্ণৰে বাণিজ্য শাখাৰ শীৰ্ষত দক্ষিণ শালমৰা। ইয়াৰ উপৰি বৃত্তিমুখী শাখাৰ শীৰ্ষত বিশ্বনাথ, লখিমপুৰ, নলবাৰী আৰু শ্রীভূমি জিলা। আটাইকেইখন জিলাৰে বিভাগটোত উত্তীৰ্ণৰ হাৰ ১০০ শতাংশ।
