বৃহস্পতিবাৰে পুৱা ১০ মান বজাত দুদিনীয়া কাৰ্যসূচীলৈ কাৰবি আংলং জিলাৰ সদৰ চহৰ ডিফুত উপস্থিত হৈছে অসমৰ মুখ্যমন্ত্ৰী ডঃ হিমন্ত বিশ্ব শৰ্মা তাৰালাংচ অস্থায়ী হেলিপেডৰ পৰা মুখ্যমন্ত্ৰী গৰাকীক কাৰবি আংলং স্বায়ত্তশাসিত পৰিষদৰ চিইএম তুলিৰাম ৰংহাঙ নেতৃত্বাধীন টীম কাৰ্বি আংলঙে উষ্ম আদৰণি জনোৱাৰ পাছত বিভিন্ন জনগোষ্ঠীৰ সাংস্কৃতিক দলে মুখ্যমন্ত্ৰী পুষ্প বৰ্ষণেৰ বিপুল আদৰণি জনায় ৷
ইয়াৰ পাছত মুখ্যমন্ত্ৰী গৰাকীয়ে তাৰালাংচৰ কাজিৰ ৰংহাংপী গেষ্ট হাউছত ২০২১ চনত শান্তি চুক্তি স্বাক্ষৰকাৰী ও আলোচনাপন্থী ৬ টা উগ্ৰপন্থী সংগঠনৰ সৈতে বৈঠকত মিলিত হয় ৷ ইয়াৰ পিছতো দিনযোৰা কাৰ্যসূচীৰে বিভিন্ন কাৰ্যসূচীত অংশ গ্ৰহণ কৰে ৷
আনহাতে আলোচনাত ৬ প্ৰাক্তন বিদ্ৰোহী সংগঠন ক্ৰমে KLNLF, PDCK, UPLA আৰু KPLT ৰ তিনিটা গোটৰ সৈতে মুখ্যমন্ত্ৰীৰ আলোচনা সম্পন্ন হয় ৷
সাংবাদিকপ সৈতে হোৱা বাৰ্তালাপত বিদ্ৰুোহী নেতা ৰেজাক দেৰাই কয়যে, সংগঠনসমূহৰ সৈতে ২০২১ চনৰ ৪ ছেপ্টেম্বৰত সম্পন্ন হোৱা MoS চুক্তিৰ ৰূপায়ন সন্দৰ্ভত হোৱা আলোচনা ফলপ্ৰসূ আছিল বুলি মন্তব্য কৰে প্ৰাক্তন বিদ্ৰোহী নেতাই
সংবিধানৰ ১২৫ সংখ্যক সংশোধনী সন্দৰ্ভতো মুখ্যমন্ত্ৰীয়ে গুৰুত্ব প্ৰদান কৰি কাৰ্বি আংলং স্বায়ত্তশাসিত পৰিষদৰ ৪৪ খন আসন বৃদ্ধিৰ জৰিয়তে প্ৰাক্তন বিদ্ৰোহী নেতৃত্বক ৰাজনৈতিক সংস্থাপন দিয়াৰ কথাও মুখ্যমন্ত্ৰীয়ে আলোচনাত উল্লেখ কৰে বুলি জানিব দিয়ে প্ৰাক্তন বিদ্ৰোহী নেতাজনে ৷আলোচনাত প্ৰাক্তন বিদ্ৰোহী নেতা আই কে ছংবিজিত, প্ৰদীপ দিলি, ৰেজাক ডেৰা আদি নেতাই অংশ লয়।
