শুকুৰবাৰে পুৱা ১০ বাজি ৩০ মিনিটত ডিফুৰ সমীপৰ ৫ কিলোৰ ভটানিকেল গাৰ্ডেনৰ সন্মূখৰ পুখুৰীত তিনি বন্ধুৰ সৈতে গা ধুবলৈ গৈ এক বন্ধুৰ সলিল সমাধি ঘটা কাণ্ডকলৈ তীব্ৰ চাঞ্চল্যৰ সৃষ্টি হৈছে ৷ ডিফু চৰকাৰী বালক উচ্চতৰ মাধ্যমিক বিদ্যলয়ৰ কাষৰ তিনি বন্ধু ক্ৰমে, অৰিন্দম কুমাৰ, তাকেন’ ৰেংমা আৰু প্ৰজ্ঞান কিশোৰ শৰ্মা একে লগে পুখুৰীটোত সাতুৰি থকা অৱস্থাতে ডুবি যায় অৰিন্দম কুমাৰ ৷
লগৰ বন্ধু দুজনে আপ্ৰাণ চেষ্টা কৰিও উদ্ধাৰ কৰিব নোৱাৰিলে অৰিন্দম কুমাৰক ৷ ইফালে ঘটনাৰ খবৰ পাই আৰক্ষীৰ লোকে ঘটনাস্থলীৰ পৰা উদ্ধাৰ কৰে অৰিন্দম কুমাৰৰ মৃতদেহ ৷ পাছত মৃতদেহটো দণ্ডাধীশৰ হতুৱাই পৰীক্ষা কৰাৰ লগতে মৃতদেহটো ডিএমচিএইছত মৰণোত্তৰ পৰীক্ষাৰ ব্যৱস্থা কৰে ৷
