আদানি গ্ৰুপৰ (Adani Group) অধ্যক্ষ গৌতম আদানিৰ নাম বিত্তীয় কেলেংকাৰীত সাঙোৰ খাই পৰিছে। এজন ভাৰতীয় উদ্যোগপতিৰ বিৰুদ্ধে এটা সৌৰ প্ৰকল্পৰ বাবে ভাৰত চৰকাৰৰ বিষয়াসকলক ২,২৩৭ কোটি টকাৰ উৎকোচ দিয়াৰ অভিযোগ উত্থাপিত হৈছে।
সংবাদ মাধ্যমৰ বাতৰি অনুসৰি, আমেৰিকা প্ৰশাসনে গৌতম আদানি আৰু তেওঁৰ ভতিজাক সাগৰ আদানি দুয়োৰে বাবে গ্ৰেপ্তাৰ ৱাৰেণ্ট জাৰি কৰিছে।
আদানিৰ বিৰুদ্ধে অভিযোগটো হৈছে যে আদানি গ্ৰুপে ভাৰতৰ সৌৰশক্তি প্ৰকল্পৰ বাবে চৰকাৰী বিষয়াসকলক প্ৰায় ২,২৩৭ কোটি টকা উৎকোচ আগবঢ়াইছিল, যাৰ দ্বাৰা ২০ বছৰত ২ বিলিয়ন ডলাৰ লাভ কৰিব পাৰিলেহেঁতেন।
গৌতম আদানিৰ ভতিজাক সাগৰৰো উৎকোচৰ গোচৰত নাম দিয়া হৈছে। ইয়াৰ বাহিৰেও তালিকাত আৰু বহুতৰে নাম দাখিল কৰা হৈছে। গৌতম আদানি আৰু আন সাতজনৰ বিৰুদ্ধে ভাৰতৰ আটাইতকৈ ডাঙৰ সৌৰশক্তি প্ৰকল্পৰ বাবে ভাৰতীয় বিষয়াসকলক উৎকোচ দিয়াৰ অভিযোগ উত্থাপিত হৈছে।
নিউয়ৰ্কৰ ইষ্টাৰ্ণ ডিষ্ট্ৰিক্টৰ বাবে থকা আমেৰিকাৰ এটৰ্ণী কাৰ্যালয়ে জাৰি কৰা জাননী অনুসৰি, আদানি আৰু অন্যান্যসকলৰ বিৰুদ্ধে ভাৰত চৰকাৰৰ বিষয়াসকলক ২,২৩৭ কোটি টকাতকৈ অধিক উৎকোচ প্ৰদান কৰা আৰু বিনিয়োগকাৰী আৰু বেংকসমূহক মিছা তথ্য প্ৰদান কৰাৰ অভিযোগ উত্থাপন কৰা হৈছে।
আন ছয়জন অভিযুক্ত হৈছে আদানি গ্ৰীণ এনাৰ্জি লিমিটেডৰ মুখ্য কাৰ্যবাহী বিষয়া বিনীত জৈন, ৰঞ্জিত গুপ্তা, ৰূপেশ আগৰৱালা, অষ্ট্ৰেলিয়া আৰু ফৰাচী নাগৰিক চিৰিল কাবানেছ, সৌৰভ আগৰৱালা আৰু দীপক মালহোত্ৰা।
ইফালে আদানি গ্ৰুপৰ এজন মুখপাত্ৰই সংবাদ মাধ্যমক জনোৱা অনুসৰি কোম্পানীটোৱে শীঘ্ৰেই অভিযোগসমূহৰ ওপৰত এক বিবৃতি জাৰি কৰিব।
