কংগ্ৰেছ আৰু বিজেপিৰ তাৰকা প্ৰচাৰকসকলে যাতে আগন্তুক দুটা পৰ্যায়ৰ নিৰ্বাচনত (Election) ধৰ্ম, জাতি, সম্প্ৰদায়, ভাষাৰ ভিত্তিত প্ৰচাৰ চলাব নোৱাৰে (cannot campaign on the basis of religion, caste, community or language) তাৰ বাবে আজি আয়োগে দুয়োটা দলৰ ৰাষ্ট্ৰীয় সভাপতিসকলক সকীয়াই দিয়ে। অৱশ্যে কমেও দুসপ্তাহ পূৰ্বে প্ৰধানমন্ত্ৰী নৰেন্দ্ৰ মোডী আৰু কংগ্ৰেছৰ ৰাহুল গান্ধীৰ বিৰুদ্ধে বিৰোধী দলসমূহে উত্থাপন কৰা অভিযোগ সন্দৰ্ভত নিৰ্বাচন আয়োগ (Election Commission) নিমাত আছে।
নিৰ্বাচন আয়োগে বিজেপি আৰু কংগ্ৰেছৰ সৰ্বভাৰতীয় সভাপতি ক্ৰমে জে পি নাড্ডা আৰু মল্লিকাৰ্জুন খাৰ্গেলৈ প্ৰেৰণ কৰা নিৰ্দেশ (Directions sent to Congress and BJP)ত উল্লেখ কৰে যে দল দুটাৰ শীৰ্ষ নেতা দুগৰাকীয়ে যাতে বাকী থকা দলসমূহৰ শব্দৰ ব্যৱহাৰত তাৰকা প্ৰচাৰকসকলে সংযত হৈ থাকে তাৰ প্ৰতি লক্ষ্য ৰাখিব লাগে। দল দুটাৰ সভাপতিয়ে বিৰোধী ৰাজনৈতিক দলক আক্ৰমণ কৰাৰ ক্ষেত্ৰত শিষ্টাচাৰ মানি চলিবলৈ দলৰ তাৰকা প্ৰচাৰকসকলক নিৰ্দেশ জাৰি কৰিব লাগে।
আয়োগৰ তথ্য অনুসৰি চলিত লোকসভা নিৰ্বাচন সন্দৰ্ভত কেইবাটাও ধৰ্মীয় আৰু জাতিগত মন্তব্য শুনা গৈছে। যিটো বাঞ্ছনীয় নহয়। আয়োগৰ পত্ৰত উল্লেখ কৰা অনুসৰি, তাৰকা প্ৰচাৰকসকলৰ প্ৰচাৰৰ হাৰ হ্ৰাস পোৱাৰ বাবেই বিজেপি আৰু কংগ্ৰেছক এই নিৰ্দেশ দিয়া হৈছে। আয়োগৰ তথ্য অনুসৰি, নিৰ্বাচনৰ বাবে ভাৰতৰ আৰ্থ-সামাজিক আৰু সাংস্কৃতিক পৰিবেশ যাতে প্ৰভাৱিত নহয় তাৰ বাবে এই নিৰ্দেশনা। আয়োগে বিজেপি আৰু ইয়াৰ তাৰকা প্ৰচাৰকসকলক ধৰ্মীয়, সাম্প্ৰদায়িক অপপ্ৰচাৰৰ পৰা বিৰত থাকিবলৈ নিৰ্দেশ দিয়ে। একেদৰে অগ্নিবীৰ বা প্ৰতিৰক্ষাৰ দৰে বিষয়ত কংগ্ৰেছে মন্তব্য কৰিব নোৱাৰে। ইয়াৰ উপৰি খাৰ্গৰ দলটোক অপপ্ৰচাৰৰ পৰা বিৰত থাকিবলৈও কোৱা হৈছে।
