বটল ব্যৱহাৰ কৰি তৈয়াৰ কৰা হয় বোমা (Bottle Bomb)। এই অভিযোগ লাভ কৰাৰ পিছত উত্তৰ প্ৰদেশ আৰক্ষীৰ বিশেষ টাস্ক ফ’ৰ্চে জাভেদ নামৰ এজন ব্যক্তিক গ্ৰেপ্তাৰ কৰে। তদন্তৰ অধীনত গ্ৰেপ্তাৰ কৰা হয় মুজাফ্ফৰনগৰৰ ইমৰানাক।
অভিযোগ অনুসৰি, ইমৰানাই জাভেদক কাঁচৰ বটল ব্যৱহাৰ কৰি টাইম বোমা তৈয়াৰ কৰিবলৈ উচটনি দিছিল। জাভেদে টাইম বোমা বনাই তেওঁৰ হাতত তুলি দিয়ে। এই বোমা ইমৰানাৰ হাতত গতাই দিবলৈ যাওঁতেই জাভেদ গ্ৰেপ্তাৰ হয়। শনিবাৰে এক গোপন সূত্ৰৰ পম খেদি মহিলাগৰাকীক গ্ৰেপ্তাৰ কৰা হয়।
সূত্ৰ অনুসৰি, ইমৰানাই জেৰাত কয় যে ২০১৩ চনত তেওঁ সাম্প্ৰদায়িক আক্ৰমণৰ বলি হৈছিল। সেই সময়ত তেওঁৰ ঘৰৰ ব্যাপক ক্ষতিসাধন হৈছিল। সেয়ে কোনো সাম্প্ৰদায়িক আক্ৰমণ সংঘটিত হোৱাৰ আগতেই তেওঁ বোমাবোৰ সাজু কৰিবলৈ দিছিল।
