ASSAM TIMES POST
পশ্চিম কৰ্বি আংলংঃ পাৰ্বত্য জিলা কাৰ্বিআংলং আৰু পশ্চিম কাৰ্বিআংলঙত কাৰ্বি পৰিষদে শেহতীয়াকৈ খেলৰ প্ৰতি অধিক গুৰুত্ব প্ৰদান কৰা পৰিলক্ষিত হৈছে। লগতে প্ৰতিভাসম্পন্ন ব্যক্তি সকলক পুৰস্কৃত কৰি অধিক উৎসাহিত কৰি তোলাৰ চেষ্টা অব্যাহত ৰাখিছে।
সেয়ে বিভিন্ন সময়ত বিভিন্ন স্থানত খেল ধেমালি অনুস্থিত কৰি আহিছে । তাৰে অংশ হিচাপে অসমৰ ক্ৰীড়াক্ষেত্ৰ খনৰ ইতিহাসৰ পাতত নাম সন্নিবিষ্ট কৰি প্ৰথম বাৰৰ বাবে অনুস্থিত কৰিলে “All Assam Master Games” পশ্চিম কাৰ্বিআংলং জিলাৰ ডংকামোকামৰ “ৱাইচং ষ্টেডিয়াম”ত দুদিনীয়া বৰ্ণাঢ্য কাৰ্যসূচীৰে অনুস্থিত হয় “1st All Assam Master Games 2019” ।
ডংকামোকাম ক্ৰীড়া সন্থাৰ সহযোগত কৰ্বিআংলং ক্ৰীড়া সন্থাৰ উদ্যোগত অনুস্থিত হোৱা খেল খনত ফুটবল,বেডমিন্টন, ৱেইট থ্ৰ আদি বিভিন্ন খেল অনুস্থিত হয় ।অসমৰ বিভিন্ন জিলাৰ খেলুৱৈ সকলে অংশগ্ৰহন কৰা খেল খনৰ সফল সামৰণি পৰে সোমবাৰে ।কাৰ্বি পৰিষদৰ মূখ্য কাৰ্যবাহী সদস্য তুলিৰাম ৰংহাঙে মূখ্য অতিথি হিচাপে উপস্থিত থকা সামৰণি অনুস্থানত সাংসদ হৰেনছিং বে’,বিধায়ক ডাঃ মানছিং ৰংপি,নোমল মমিনৰ লগতে “All Assam Master Games Association ” ৰ সভাপতি, “সদৌ অসম অলিম্পিক সন্থাৰ উপ সভাপতি আৰু পৰিষদৰ সকলো ই.এম, এম.এ.চি. উপস্থিত থাকে।
