২২ জানুৱাৰী দিনটোক এক গুৰুত্বপূৰ্ণ আৰু পবিত্ৰ দিন হিচাপে গঢ়ি তুলিবলৈ অযোধ্যাত এতিয়া পূৰ্ণ প্ৰস্তুতি চলিছে। কিয়নো এই দিনটোত বহু প্ৰত্যাশিত উত্তৰ প্ৰদেশৰ অযোধ্যা ৰাম মন্দিৰ (Ayodhya Ram Mandir) উদ্বোধন হ’ব। আনহাতে, বহু প্ৰত্যাশিত পবিত্ৰ মুহূৰ্তটো লাহে লাহে ওচৰ চাপি অহাৰ লগে লগে ৰামভক্তসক উৎফুল্লিত হৈ পৰিছে। ভগৱান ৰামৰ শৈশৱ ৰূপৰ প্ৰাণ প্ৰতিষ্ঠাৰ বাবে সকলোৱে আগ্ৰহেৰে অপেক্ষা কৰি আছে।
ইফালে দেশ-বিদেশৰ বহু লোকে এই পবিত্ৰ সময়ছোৱাত অযোধ্যাত উপস্থিত থাকিবলৈ চেষ্টা কৰিছে। বিভিন্ন মাধ্যম আৰু ছ’চিয়েল মিডিয়াত সেই মুহূৰ্তৰ সাক্ষী হ’বলৈ বহুতে অপেক্ষা কৰি আছে। ইয়াত ৰাম মন্দিৰৰ দ্বাৰোদ্ঘাটন বা প্ৰাণ প্ৰতিষ্ঠাৰ পৰা আৰম্ভ কৰি সকলো অনুষ্ঠানৰ সময়সূচী দিয়া হৈছে।
অহা ২২ জানুৱাৰীত ৰামলালাৰ সন্মুখত ৩০ বছৰীয়া মৌনতা ভংগ কৰিব সৰস্বতী দেৱীয়ে।
১৫ জানুৱাৰীৰ পৰা ২২ জানুৱাৰীলৈ ৰাম মন্দিৰৰ দ্বাৰোদ্ঘাটন আৰু শাস্ত্ৰমতে বাল্য ৰূপৰ মূৰ্তি উচৰ্গা উপলক্ষে বিভিন্ন পূজা অনুষ্ঠিত হ’ব। যিটো বিশ্বৰ বিভিন্ন প্ৰান্তৰ পুৰোহিত আৰু সন্তসকলে কৰিব।
ৰাম মন্দিৰ উদ্বোধনী অনুষ্ঠানৰ বিশদ সূচী
১৫ জানুৱাৰী – মকৰ সংক্ৰান্তিৰ দিনা খাৰমা শেষ হোৱাৰ পিছত ৰামৰ মূৰ্তিয়ে নিজৰ নিৰ্দিষ্ট স্থান বিচাৰি পাব। সংস্কাৰ অনুসৰি বিভিন্ন পবিত্ৰ অনুষ্ঠান সম্পন্ন কৰি বিষয়টো সম্পূৰ্ণ কৰা হ’ব।
গৃহ প্ৰৱেশ অনুষ্ঠানৰ আৰম্ভণি
১৬ জানুৱাৰী- ৰাম লালাৰ মূৰ্তিৰ প্ৰৱেশৰ বাবে মন্দিৰ চৌহদত বিভিন্ন পবিত্ৰ অনুষ্ঠান অনুষ্ঠিত হ’ব।
ৰামলালা মূৰ্তি চহৰ ভ্ৰমণ
১৭ জানুৱাৰী – শোভাযাত্ৰাত ৰামলালাৰ প্ৰতিমূৰ্তি মহানগৰীত ঘূৰিব।
গৃহ প্ৰৱেশ অনুষ্ঠান সম্পূৰ্ণ
১৬ জানুৱাৰী- ৰামলালাৰ মূৰ্তিৰ প্ৰৱেশৰ বাবে মন্দিৰ চৌহদত বিভিন্ন পবিত্ৰ অনুষ্ঠান অনুষ্ঠিত হ’ব।
গৃহ প্ৰৱেশ অনুস্থানৰ সমাপ্তি
পবিত্ৰ অনুষ্ঠান হিচাপে বাস্তু আৰু গৃহদেৱৰ পূজা কৰা হ’ব।
যজ্ঞৰ স্থান প্ৰস্তুতি
ৰীতি-নীতি অনুসৰি মন্দিৰৰ ভিতৰত পবিত্ৰ যজ্ঞপীঠ নিৰ্মাণ কৰা হ’ব।
৮১টা কলহ আৰু বাস্তু প্ৰক্ৰিয়াৰ জৰিয়তে পবিত্ৰকৰণ
বাস্তু পূজা কৰি ঘৰৰ শান্তিৰ বাবে প্ৰাৰ্থনা কৰাৰ উদ্দেশ্যে দেশৰ বিভিন্ন প্ৰান্তত বৈ যোৱা নদীৰ পৰা অনা পানী ৮১ টা কলহত আনি মন্দিৰ পবিত্ৰ কৰাৰ কাম সম্পন্ন কৰা হ’ব।
পবিত্ৰ স্নান
২১ জানুৱাৰী – পূজা আৰু যজ্ঞৰ দিনৰ প্ৰস্তুতিৰ বাবে ৰামলালাৰ মূৰ্তি গা ধুওৱা হ’ব ১২৫ টা গোলাকাৰ কলহেৰে।
ৰাম মন্দিৰৰ দ্বাৰোদ্ঘাটন দিৱস
২২ জানুৱাৰী, ২০২৪
প্ৰাণ প্ৰতিষ্ঠা উপলক্ষে পবিত্ৰ মৃগশিৰা নক্ষত্ৰত ৰামলালাৰ মূল পূজাৰ আয়োজন কৰা হʼব। সেইদিনা দিনৰ ১২.২৯ৰ পৰা ১২.৩০ বজাৰ ভিতৰত ৰামলালাৰ প্ৰতিমূৰ্তি স্থাপনৰ কাম সম্পূৰ্ণ হ’ব। ৮৪ ছেকেণ্ডৰ ভিতৰতে তেওঁৰ জন্মভূমিত কেইটামান শতিকা অপেক্ষাৰ অন্তত ৰামলালাৰ প্ৰতিমূৰ্তি স্থাপনৰ কাম সম্পূৰ্ণ হ’ব।
