কাৰ্বি আংলং জিলাৰ (Karbi Anglong) ডিফু আৱৰ্ত ভৱনৰ প্ৰেক্ষাগৃহত আজি বিগত দুৰ্গা পূজাত প্ৰথম, দ্বিতীয় আৰু তৃতীয় পুৰস্কাৰ লাভ কৰিবলৈ সক্ষম হোৱাৰ দুৰ্গা পূজাৰ সমিতি সমূহৰ মাজত বটাঁ সমূহ বিতৰণ কৰা হয়। এই উপলক্ষে জিলা আয়ুক্ত মথুমিতা ভাগৱতীৰ পৌৰোহিত্যত ডিফু আৱৰ্ত ভৱনত আয়োজিত বটাঁ বিতৰণীৰ অনুষ্ঠানত পৌৰ বোৰ্ডৰ অধীনত বটাঁৰ বাবে নিৰ্বাচিত দুৰ্গা পুঁজা সমিতি সমূহৰ মাজত বটাঁ সমূহ বিতৰণ কৰা হয়।
ডিফু পৌৰ বোৰ্ডৰ অধীনত ধৰমনলা সাৰ্বজনীন দুৰ্গা পুঁজা সমিতি আৰু শিতলাবাৰী সাৰ্বজনীন দুৰ্গা পুঁজা সমিতি য়ে যৌথ ভাবে প্ৰথম পুৰস্কাৰ লাভ কৰে। দ্বিতীয় পুৰস্কাৰ লাভ কৰে শিৱবাৰিৰ সাৰ্বজনীন দুৰ্গা পুঁজা সমিতিয়ে আৰু তৃতীয় পুৰস্কাৰ যৌথ ভাবে লাভ কৰে বিৰলা গেট আৰু ডিফু বাৰোৱাৰী দুৰ্গা পূজা সমিতিয়ে।
বোকাজান পৌৰসভাৰ অধীনত প্রথম, দ্বিতীয় আৰু তৃতীয় পুৰস্কাৰ লাভ কৰিবলৈ সক্ষম হয় ক্রমে ৰাধা কৃষ্ণ ঠাকুৰ বাৰী, নিজৰা পাৰ আৰু বেলতলা দুৰ্গা পুঁজা সমিতি য়ে। হাওৰাঘাট পৌৰ বোৰ্ড অধীনত হাওৰাঘাট টাউন আৰু হাওৰাঘাট টাউন ওৱাৰ্ড নম্বৰ 4 য়ে প্ৰথম আৰু দ্বিতীয় পুৰস্কাৰ লাভ কৰে। তৃতীয় পুৰস্কাৰ লাভ কৰে হাওৰাঘাট নেপালী বস্তি সাৰ্বজনীন দুৰ্গা পুঁজা সমিতিয়ে।
বকলিয়া পৌৰ বোৰ্ডৰ অধীনত প্রথম, দ্বিতীয় আৰু তৃতীয় পুৰস্কাৰ লাভ কৰে- বকলিযাঘাট, বকলিযাঘাট চাৰি আলি আৰু নেতাজী যুৱ সংঘ পুঁজা সমিতিয়ে। ডকমকা পৌৰবোৰ্ডৰ অধীনত ডকমকা টাউন যুৱ সংঘই প্ৰথম পুৰস্কাৰ, দ্বিতীয় পুৰস্কাৰ লাভ কৰে ডকমকা বাৰোৱাৰী পুঁজা সমিতি য়ে আৰু তৃতীয় পুৰস্কাৰ যৌথ ভাবে লাভ কৰে ৰাধা চৰণ বৈষ্ণৱ আৰু ডকমকা কিশোৰ সংঘ পুঁজা সমিতিয়ে।
লাংহিন পৌৰসভাৰ অধীনত লাংহিন বাৰোৱাৰী দুৰ্গা পূজা সমিতি প্ৰথম পুৰস্কাৰ লাভ কৰিবলৈ সক্ষম হয়। বটাঁ সমূহ প্ৰদান কৰে জিলা আয়ুক্ত মথুমিতা ভাগৱতীয়ে। পুঁজা সমিতিৰ বিষয় ববীয়া সকলে জিলাখনত উৎযাপিত প্ৰতেক পুঁজা সমিতিৰ মন্দৱত জিলা আয়ুক্ত ই পৰিদৰ্শন কৰাৰ বাবে ভূয়সী প্ৰশংসা কৰে। অনুষ্ঠানত দুৰ্গা দেৱীৰ প্ৰতিমা বিসৰ্জনত শ্রমদান কৰা ডিফু পৌৰসভাৰ 15 গৰাকী কৰ্মচাৰীক নগদ টকাৰে পুৰস্কৃত কৰা হয়।
