নাগৰিকত্ব আইনৰ বিৰুদ্ধে ছাত্ৰ আন্দোলনলৈ চিঠি প্ৰেৰণ মানছেষ্টাৰ বিশ্ববিদ্যালয়ৰ ছাত্ৰ, শিক্ষক, কৰ্মী আৰু প্ৰাক্তন ছাত্ৰৰ

নিউজ ডেস্ক

নাগৰিকত্ব আইনৰ বিৰুদ্ধে ছাত্ৰ আন্দোলনলৈ চিঠি প্ৰেৰণ কৰিলে মাৰ্কিন যুক্তৰাষ্ট্ৰৰ মানছেষ্টাৰ বিশ্ববিদ্যালয়ৰ ১৩৬ জন ছাত্ৰ, শিক্ষক, কৰ্মী আৰু প্ৰাক্তন ছাত্ৰই৷ চিঠিত নাগৰিকত্ব আইন আৰু ৰাষ্ট্ৰীয় নাগৰিকপঞ্জীৰ ‘অবিচাৰ’ দিশটো লক্ষ্য কৰি লিখিছে, ভাৰতত গণতান্ত্ৰিক আৰু ধৰ্ম নিৰপেক্ষ দিশটোত আজি বিপদমুখী৷

অক্সফ’ৰ্ড আৰু হাৰ্ভাৰ্ড বিশ্ববিদ্যালয়ৰ ছাত্ৰ-ছাত্ৰীয়ে ইতিমধ্যে চিঠিৰে ভাৰতৰ প্ৰতিবাদকাৰীৰ ওপৰত আৰক্ষীৰ অত্যাচাৰক লৈ উদ্বেগ প্ৰকাশ কৰিছে৷ এম আই টিৰ ছাত্ৰ-ছাত্ৰী, শিক্ষক, প্ৰাক্তন ছাত্ৰ-ছাত্ৰীসকলে প্ৰেৰণ কৰা চিঠিত দিল্লীৰ জামা মছজিদ, জামিয়া মিলিয়া ইছলামিয়া, উত্তৰ প্ৰদেশৰ আলিগড় বিশ্ববিদ্যালয়ৰ চৌহদসহ মাংগালোৰ আদিত বিক্ষোভ দমন আৰু মৃত্যুৰ গৰিহণা দিছে৷

যি প্ৰতিবাদত নামিছে তেওঁৰ প্ৰতি সহমৰ্মিতা৷ চিঠি উল্লেখ কৰিছে এন আৰ চিৰ সৈতে নাগৰিকত্ব আইনৰ অবিচাৰ যুক্ত হৈয়ে ভাৰতীয় জাতি আৰু নাগৰিকত্বৰ সংজ্ঞাক চীৰ জীৱনলৈ সলনি কৰি দিব৷ দেশ আৰু সংবিধানৰ নিৰ্দেশক নীতি যে বহুত্ব আৰু বৈচিত্ৰ্য, তাক দুৰলৈ ঠেলি দিয়া হৈছে৷ অথচ এই দেশ এই বহুত্ব আৰু বৈচিত্ৰ্যৰ ভাৰসাম্য ধৰি ৰাখি তাক ৭০ বছৰ ধৰি উদযাপন কৰি আহিছে৷ এই ছাত্ৰসকলে নাগৰিকত্ব আইন আৰু এন আৰ চি প্ৰত্যাহাৰৰ দাবীত পথত নামি প্ৰতিবাদ কৰিছে৷