বিশ্বকাপৰ (World Cup Cricket) ছেমি ফাইনেল (Semi Final)ত নিউজিলেণ্ডৰ বিৰুদ্ধে মহম্মদ ছামীয়ে ৭টা উইকেট দখল (Mohammed Shami picks up 7 wickets) কৰে। কিন্তু মেচ আৰম্ভ হোৱাৰ পূৰ্বেই এজন ব্যক্তিয়ে জানিছিল যে মেচখনত তেওঁ ৭টা উইকেট লাভ কৰিব। সেই বিষয়ে তেওঁ সকলোকে অৱগত কৰিছে।
বুধবাৰে মুম্বাইৰ ৱাংখেড়ে ষ্টেডিয়ামত ছামীয়ে ৭টা উইকেট দখল কৰে। তাৰ আগদিনা ডন মাটিও (Don Mateo) নামৰ এজন ব্যক্তিয়ে নিজৰ এক্স হেণ্ডেলত লিখিছিল, “মই সপোনত দেখিছিলো যে ছেমি ফাইনেলত ছামীয়ে ৭ উইকেট দখল কৰিছে।” (In a dream, I saw Shami taking 7 wickets in the semi-finals) প্ৰথমতে কোনেও এই পোষ্টটোৰ প্ৰতি বিশেষ গুৰুত্ব দিয়া নাছিল। কিন্তু ছামীয়ে ৭টা উইকেট লোৱাৰ পাছতেই চর্চা আৰম্ভ হয়। বহুতে কৈছে যে মাটিওৱে নিজৰ ভাগ্য আগতীয়াকৈ ক’ব পাৰে!
উল্লেখযোগ্য যে চলিত বিশ্বকাপৰ প্ৰথম চাৰিখন মেচত সুযোগ নোপোৱাৰ পিছতো ছামীয়ে পৰৱৰ্তী ৬খন মেচত নিজৰ গুণগত মান প্ৰদৰ্শন কৰিছে। তেওঁ ভাৰতৰ হৈ বিশ্বকাপত সৰ্বাধিক উইকেট দখল কৰিছে। চলিত বিশ্বকাপত তেওঁৰ উইকেটৰ সংখ্যা ৬খন খেলত ২৩টা (Number of wickets is 23 in 6 matches)। ২০১১ চনৰ বিশ্বকাপত জাহীৰ খানে ২১টা উইকেট দখল কৰিছিল। ছামীয়ে জাহীৰক অতিক্ৰম কৰিছে।
আনহাতে, নিউজিলেণ্ডৰ বিৰুদ্ধে ৫৭ ৰানৰ বিনিময়ত ৭টা উইকেট দখল কৰে ছামীয়ে। তেওঁ বিশ্বকাপৰ এখন মেচত ৭টা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয়। এদিনীয়া বিশ্বকাপত চাৰিবাৰকৈ এখন মেচত পাঁচটা বা তাতকৈ অধিক উইকেট দখল কৰা প্ৰথমজন বলাৰ হিচাপে পৰিগণিত হয় ছামীয়ে। অষ্ট্ৰেলিয়াৰ মিচেল ষ্টাৰকে তিনিবাৰকৈ এই কৃতিত্ব কৰিছে। বিশ্বকাপত ৫০টা উইকেট দখল কৰা প্ৰথমজন ভাৰতীয় বলাৰ হিচাপে পৰিগণিত হয় ছামী। তেওঁ এই কৃতিত্ব বিশ্বকাপত সৰ্বনিম্ন সংখ্যক মেচত (১৭) কৰে। ইয়াৰ উপৰি বিশ্বকাপৰ নক আউটত পাঁচটা উইকেট দখল কৰা প্ৰথমজন ভাৰতীয় বলাৰ হিচাপেও পৰিগণিত হয় ছামী।
