আহমেদাবাদত এতিয়া ভাৰত-পাকিস্তানৰ মেচৰ (India-Pakistan match in Ahmedabad) উন্মাদনা। ১৪ নৱেম্বৰত অনুষ্ঠিত হ’ব বহু প্ৰতীক্ষিত মেচখন। বুধবাৰে পাকিস্তানৰ দল উপস্থিত হৈছেগৈ আহমেদাবাদত। বৃহস্পতিবাৰে গৈ পাইছে ৰোহিত শৰ্মাৰ দল। শুকুৰবাৰৰ পৰা আহমেদাবাদত ভিৰ কৰিব দেশৰ বিভিন্ন প্ৰান্তৰ পৰা অনুৰাগী। মেচখন উপলক্ষে হোটেলৰ কোঠাৰ ভাড়া তিনি-চাৰিগুণ বৃদ্ধি (Hotel room fares hiked three-four times) পাইছে। অৱশ্যে এই পৰিস্থিতিত এটা উপায় আছে।
আহমেদাবাদত নিশাটো নথকাকৈয়ে ভাৰত-পাকিস্তানৰ মেচখন সহজে চাব পাৰিব।আহমেদাবাদৰ সকলো হোটেলৰ কোঠাৰ ভাড়া বৃহস্পতিবাৰৰ পৰা শনিবাৰলৈ বৃদ্ধি পাইছে। বিলাসী হোটেলৰ ৰুমৰ ভাড়া ৩ লাখ টকা পৰ্যন্ত হৈছেগৈ। এই পৰিস্থিতিত বহুতেই বিপদত পৰিছে। ভাৰত-পাকিস্তানৰ মেচখনৰ টিকট কিনিলেও হোটেলত থকাৰ খৰচ শুনি তেওঁলোক স্তম্ভিত হৈ পৰে।
এনে পৰিস্থিতিত ৰেʼলৱেই ইয়াৰ সমাধানৰ কথা ঘোষণা কৰিছে। মেচখনৰ পূৰ্বে মুম্বাই আৰু আহমেদাবাদৰ মাজত দুখন বিশেষ ৰেʼল (Two special trains between Mumbai and Ahmedabad) চলিব। উক্ত ৰেʼলেৰে গʼলে আহমেদাবাদৰ হোটেলত ৰাতিটো নথকাকৈয়ে মেচখন চাব পাৰিব৷
১৩ অক্টোবৰ, শুকুৰবাৰে নিশা ৯.৩০ বজাত মুম্বাই চেণ্ট্ৰেল-আহমেদাবাদ ছুপাৰ ফাষ্ট স্পেচিয়েল ট্ৰেইনখন মুম্বাই চেণ্ট্ৰেল ষ্টেচনৰ পৰা যাত্ৰা কৰিব। ১৪ অক্টোবৰ, শনিবাৰে পুৱা ৫.৩০ বজাত আহমেদাবাদত উপস্থিত হʼব। সেইদিনা দুপৰীয়া ২ বজাৰ পৰা নৰেন্দ্ৰ মোডী ষ্টেডিয়ামত ভাৰত-পাকিস্তানৰ খেল। খেলৰ অন্তত দৰ্শকে একেখন ৰে’লতে উভতি আহিব পাৰিব। অহা ১৫ অক্টোবৰ দেওবাৰে পুৱা ৪ বজাত আহমেদাবাদৰ পৰা উভতি অহা ৰেʼলখন যাত্ৰা কৰিব। একেদিনাই নিশা ১২.০০ বজাত মুম্বাই চেণ্ট্ৰেলত উপস্থিত হʼব। এই ৰে’লযোগে যাত্ৰা কৰিলে দৰ্শনাৰ্থীয়ে আহমেদাবাদৰ হোটেলত থকাৰ প্ৰয়োজন নহʼব। ৰে’লৱেই জনোৱা মতে, বৃহস্পতিবাৰৰ পৰা এই বিশেষ ৰেʼলৰ টিকট উপলব্ধ হʼব।
