আৰু মাত্ৰ ৪৮ ঘণ্টাৰ অপেক্ষা। ২ ছেপ্টেম্বৰত অনুষ্ঠিত হ’ব এছিয়া কাপৰ (Asia Cup on September 2) বহু প্ৰত্যাশিত ভাৰত-পাকিস্তানৰ মেচ (India-Pakistan match)। কিন্তু এই মহাৰণক কেন্দ্ৰ কৰি কিছু অনিশ্চয়তাৰ সৃষ্টি হৈছ। কিয়নো বৰষুণে মেচখনৰ সকলো উত্তেজনা ধুই নিয়াৰ সম্ভাৱনাই দেখা দিছে। বতৰৰ পূৰ্বাভাস অনুসৰি, শ্ৰীলংকাৰ কেণ্ডীত (In Kandy, Sri Lanka) বৰষুণৰ সম্ভাৱনা ৯০ শতাংশ (90 per cent chances of rain)। গতিকে মেচখন অনুষ্ঠিত হোৱাৰ সম্ভাৱনা অতি কম।
আনহাতে, মেচ অনুষ্ঠিত হ’লেও খেল চলি থকা সময়তে বৰষুণ পৰিব পাৰে। গতিকে সেইদৰেই প্ৰস্তুতি চলি আছে। খেলপথাৰখন এনেদৰে প্ৰস্তুত কৰা হৈছে যাতে বৰষুণৰ পিছত সোনকালে খেল আৰম্ভ হʼব পাৰে। সাধাৰণতে শ্ৰীলংকাত বৰষুণৰ বাবে আগষ্ট-ছেপ্টেম্বৰ মাহত খেল অনুষ্ঠিত নহয়।
কিন্তু ভাৰতীয় ক্ৰিকেট বোৰ্ডৰ বিষয়াসকলে পাকিস্তানলৈ যাবলৈ সন্মতি নিদিয়াৰ বাবে শ্ৰীলংকাত কেইবাখনো মেচ অনুষ্ঠিত হয়। কিন্তু কলম্বোৰ কেণ্ডীত সকলোতে বৰষুণ হোৱাৰ পূৰ্বাভাস। সেই ক্ষেত্ৰত একাধিক খেল বৰষুণত বাধাগ্ৰস্ত হ’ব পাৰে।
উল্লেখযোগ্য যে বুধবাৰে শ্ৰীলংকাত উপস্থিত হয় ভাৰতীয় দল। ৰোহিত, কোহলিয়ে আজিৰে পৰা প্ৰস্তুতি আৰম্ভ কৰিছে। অৱশ্যে ভাৰত আৰু পাকিস্তানৰ ক্ৰিকেটাৰসকলৰো বৰুণ দেৱতাৰ ফালে দৃষ্টি থাকিব।
