পাহাৰীয়া জিলাৰ সদৰ চহৰ ডিফুত এতিয়া ডেংগুৰ মহা তাণ্ডৱ (Dengue in Diphu) ৷ ডেংগুৰ আতংকই জিলা স্বাস্থ্যবিভাগৰ লগতে সাধাৰণ জনতাক উদ্বিগ্ন কৰি তুলিছে ৷ স্বাস্থ্য বিভাগৰ জৰিয়তে বিভিন্ন ধৰণৰ সজাগতা মূলক পদক্ষেপ লোৱাৰ পিছতো সংক্ৰমণ হ্ৰাস কৰিব পৰা নাই৷ বৰ্তমান ডিফুত ডেংগুৱে ভয়াৱহৰূপ (Dengue in Diphu is in a terrible way) ধাৰণ কৰিছে ৷ শুকুৰবাৰে সন্ধিয়া জিলা স্বাস্থ্য বিভাগৰ যুটীয়া সঞ্চালক বৰচিং ৰংপিয়ে ডিফুত সংবাদমেল (Press conference in Diphu) পাতি ডেংগুৰ অনিয়ন্ত্ৰিত হৈ পৰিছে বুলি কয়৷
সংবাদমেলত জিলা স্বাস্থ্য বিভাগৰ যুটীয়া সঞ্চালক বৰচিং ৰংপিয়ে সদৰি কৰি কয় যে, বৰ্তমানলৈকে ডেংগুত মৃত্যু ঘটাৰ সংখ্যা ৪ জনলৈ বৃদ্ধি (Death toll rises to 4) পাইছে ৷ আক্ৰান্তৰ সংখ্যা বৰ্তমানলৈকে মুঠ ২০৪১ গৰাকী ৷ সকলো সজাগতামূলক প্ৰচেষ্টা গ্ৰহণ কৰিও ডেংগু প্ৰতিৰোধত সফল হোৱা নাই স্বাস্থ্য বিভাগ৷
অৱশেষত ডেংগু প্ৰতিৰোধৰ বাবে ডিফু ডিফু মিউনিচিপালটি বৰ্ডৰ পৰামৰ্শ অনুসৰি কঠোৰ ব্যৱস্থা গ্ৰহন কৰিছে জিলা স্বাস্থ্য বিভাগে৷ এতিয়াৰে পৰা ডেংগুৰ সংক্ৰমণ প্ৰতিৰোধৰ বাবে ল’ব লগা সাৱধানতা গ্ৰহণ নকৰিলে ভৰিব লাগিব জৰিমণা (Penalty for not taking precautions)৷
আদেশ অমান্য কৰা লোকে ৫০০-ৰ পৰা ৫০০০ টকা পৰ্যন্ত ভৰিব জৰিমণা (Fines ranging from Rs 500 to Rs 5,000) ভৰিব লাগিব বুলি কয়৷ সংবাদমেল সম্বোধন কৰি এই কথা ঘোষণা জিলা যুটীয়া স্বাস্থ্য সঞ্চালক বৰছিং ৰংপি আৰু কাৰবি আংলং স্বায়ত্তশাসিত পৰিষদৰ সচিব ৰাজেশ্বন তেৰাঙে ৷
সংবাদমেলত ডাঃ বৰছিং ৰংপিয়ে সদৰি কৰা অনুসৰি কাৰবি আংলঙত বিগত বৰ্ষৰ তুলনাত এইবাৰ ডেংগুত আক্ৰান্ত হাৰ সৰ্বাধিক৷ এই সন্দৰ্ভত হতাশজনক তথ্য প্ৰকাশ কৰি ডেংগু প্ৰতিৰোধৰ বাবে ৰাইজৰ সহযোগিতা বিচাৰিলে যুটীয়া স্বাস্থ্য সঞ্চালকগৰাকীয়ে৷
