কাছাৰত হেৰ’ইনসহ মণিপুৰৰ এগৰাকী মহিলা আৰু কাছৰৰ এটা ড্ৰাগছ সৰবৰাহকাৰীক আটক কৰা হৈছে (Drugs Seized in Cachar)। বুধবাৰৰ দিনা অসম ৰাইফলচ আৰু লক্ষীপুৰ আৰক্ষীয়ে লক্ষীপুৰ থানাধীন মাৰকুলিনত ড্ৰাগছৰ বিৰুদ্ধে অভিযান চলাই মণিপুৰৰ চুৰাচান্দপুৰ জিলাৰ লালৰন ছুয়াং আৰু কাছাৰৰ জিৰিঘাট লৱনখালৰ ৰমা মাৰৰ পৰা ১০ টা হেৰ’ইন ভৰ্তি চাবোনৰ বাকচত বজাৰ মূল্য ৪৫ লাখ টকাৰ ১১৪.৯৩ গ্ৰাম হেৰ’ইন জব্দ কৰে।
মণিপুৰৰ পৰা কাছাৰলৈ লৈ যোৱা অৱস্থাত আটক কৰা হয় ড্ৰাগছ সৰবৰাহকাৰীক আৰু জব্দ কৰা হয় হেৰ’ইনখিনি। লক্ষীপুৰ থানাত ড্ৰাগছ সৰবৰাহকাৰী দুজনক গতাই দিয়াৰ পিছৰ আৰক্ষীয়ে জেৰা অব্যাহত ৰাখিছে।
