এবছৰৰ এংগেজমেণ্ট। তাৰ পিছত এইবাৰ বিয়াত বহিবলৈ ওলাইছে ইৰা খান (Ira Khan)। জিম প্ৰশিক্ষক নুপুৰ শিখৰৰ লগত দুবছৰ পূৰ্বে প্ৰেমত পৰে। ২০২২ চনত ঘৰুৱা অনুষ্ঠানত বাগদান হয়। আমিৰ খান (Amir Khan)আৰু তেওঁৰ প্ৰাক্তন পত্নী ৰীনা খান (Reena Khan) তাত উপস্থিত থাকে। ইৰা হৈছে আমিৰ-ৰীনাৰ সন্তান।
এইবাৰ বিয়াৰ তাৰিখ ঘোষণাৰ পিছৰে পৰা উথপ-থপ লাগি পৰিছে বলীউডত। কোনদিনা চাৰি হাত এক হʼবলৈ গৈ আছে তাকে লৈ তুমুল চর্চাৱঅৱশ্যে ইৰাই কৈছে যে কোন বছৰত বিয়া হʼব সেয়া এতিয়াও সিদ্ধান্ত লোৱা হোৱা নাই। কিন্তু তাৰিখ নিৰ্ধাৰণ কৰা হৈছে। ৩ জানুৱাৰীত তেওঁ আৰু নুপুৰ বিবাহপাশত আবদ্ধ হʼব। এই তাৰিখটো বাছি লোৱাৰ কাৰণো তেওঁ কʼলে। ৩ জানুৱাৰীত প্ৰথমবাৰৰ বাবে ইজনে সিজনক চুম্বন কৰিছিল।
দিনটো মনত পেলাবলৈ সেইটো তাৰিখতে বিয়া হ’ব। বাগদানৰ পূৰ্বে একেৰাহে দুবছৰ ডেটিং কৰিছিল দুয়োৱে। এক চাইকলিং ইভেণ্টত ইৰাক নুপুৰে প্ৰস্তাৱ দিছিল। ২০২০ চনত আমিৰ-কন্যাই প্ৰথম সম্পৰ্কৰ কথা ঘোষণা কৰিছিল। সেই সময়ত তেওঁলোকে প্ৰায়ে ৰোমান্টিক ছবি আৰু ভিডিঅ’ শ্বেয়াৰ কৰা দেখা গৈছিল। আমিৰৰ ডাঙৰ পুত্ৰ জুনাইদ আহি আছে অভিনয়লৈ।
অৱশ্যে ইৰাই সদায় কেমেৰাৰ আঁৰত থকাৰ পক্ষপাতী। ২০১৯ চনত তেওঁ প্ৰথমখন নাটক পৰিচালনা কৰিছিল। ‘ইউৰিপিডৰ মিডিয়া’ নাটকৰ জৰিয়তে তেওঁ মনোৰঞ্জনৰ জগতখনত প্ৰৱেশ কৰিছিল। ইউৰিপিডিছৰ গ্ৰীক ট্ৰেজেডী ‘মিডিয়া’ৰ অভিযোজন এই নাটক।
