Sexual assault on a moving train I ৰে’লত এগৰাকীক ধৰ্ষণৰ চেষ্টা, ষ্টেচনত পাঁচগৰাকী যুৱতীক শাৰীৰিক নিৰ্যাতন! মুম্বাইত গ্ৰেপ্তাৰ অভিযুক্ত

স্থানীয় ৰে’লত কলেজীয়া ছাত্ৰীক ধৰ্ষণৰ (Sexual assault) চেষ্টা কৰাৰ অভিযোগ। কেৱল সেয়াই নহয়, ৫ গৰাকী যুৱতীকো ষ্টেচনত শাৰীৰিক নিৰ্যাতনৰ অভিযোগ উত্থাপন হয়। আৰক্ষীয়ে গ্ৰেপ্তাৰ কৰে চল্লিশ বছৰীয়া লোকজনক। মুম্বাইত সংঘটিত হয় এই ঘটনা। অভিযুক্তৰ নাম নৱাজু কৰিম শ্বেখ (Nawaju Karim Shaikh)।

ছত্ৰপতি শিৱাজী (চিএছটি) ষ্টেচন আৰু মছজিদ ষ্টেচনৰ (Chhatrapati Shivaji Maharaj Terminus (CSMT) and Masjid railway stations) মাজত পনভেল অভিমুখী ৰে’লত নৱাজুৱে এগৰাকী কলেজীয়া ছাত্ৰীক ধৰ্ষণৰ চেষ্টা চলায় বুলি অভিযোগ উঠিছে। আৰক্ষীৰ তথ্য অনুসৰি, বুধবাৰে পুৱা ৭.২৬ বজাত হাৰ্বাৰ লাইন ৰেʼলৰ মহিলা বিভাগত উঠে বিশ বছৰীয়া এগৰাকী যুৱতী। নৱাজুৱে তেওঁক অনুসৰণ কৰে। সেই সময়ত ডবাটোত যুৱতীগৰাকী অকলে আছিল। নৱাজুৱে তেওঁক অকলে পাই ধৰ্ষণ কৰিবলৈ চেষ্টা কৰে। মছজিদ ষ্টেচনত প্ৰৱেশ কৰি আছিল ৰে’লখন। যুৱতীগৰাকীয়ে তেওঁক বাধা দিয়াত তেওঁ চলন্ত ৰে’লখনৰ পৰা জঁপিয়াই প্লেটফৰ্মলৈ গৈ ৰে’লখনৰ আন এটা ডবালৈ যায়।

এই ঘটনাৰ পিছতে তেওঁ মছজিদ ষ্টেচনত জি আৰ পিৰ ওচৰত এজাহাৰ দাখিল কৰে। ৰেʼলত ধৰ্ষণৰ চেষ্টাৰ ঘটনা ৰাজহুৱা হৈ পৰে। ইয়াৰ পিছতে ৰেʼল আৰক্ষী, ৰেʼল সুৰক্ষা বাহিনী আৰু মুম্বাই আৰক্ষীয়ে অভিযুক্তক বিচাৰিবলৈ আৰম্ভ কৰে। মুম্বাই আৰক্ষীৰ এগৰাকী শীৰ্ষ বিষয়াই কয়, “আমি মছজিদ ষ্টেচনৰ চিচিটিভি ফুটেজ পৰীক্ষা কৰো। মই অভিযুক্তক চিনাক্ত কৰো। ইয়াৰ পিছত তেওঁক গ্ৰেপ্তাৰ কৰা হয়।” আৰক্ষীৰ তথ্য অনুসৰি, একেদিনাই চিএছটি ষ্টেচনত ৫ গৰাকী যুৱতীক শাৰীৰিক নিৰ্যাতন চলোৱাৰ অভিযোগো নৱাজুৰ বিৰুদ্ধে।

নৱাজৰ এই কৃতিত্ব ষ্টেচনৰ চিচিটিভিৰ ফুটেজতো বন্দী হৈছিল।ৰেʼল যাত্ৰী পৰিষদৰ অধ্যক্ষ সুভাষ গুপ্তাই কয়, “এয়া অতিশয় চিন্তাৰ বিষয়। স্থানীয় ৰে’লত নিৰাপত্তা বিষয়টো পুনৰ পৰীক্ষা কৰাৰ সময়। মহিলা যাত্ৰীসকলৰ সুৰক্ষাৰ বাবে ৰেʼল কৰ্তৃপক্ষই উপযুক্ত পদক্ষেপ গ্ৰহণ কৰিব বুলি আমি আশা কৰিছো।”