দিনৰ পিছত দিন ধৰি এগৰাকী ছাত্ৰীক ধৰ্ষণ (Rape of student) কৰাৰ অভিযোগ উত্থাপন হৈছিল এগৰাকী অধ্যাপকৰ (Professor) বিৰুদ্ধে। আৰক্ষীয়ে গ্ৰেপ্তাৰ কৰে মহাৰাষ্ট্ৰৰ (Maharashtra) বাবাছাহেব আম্বেদকাৰ মাৰাথৱাড়া বিশ্ববিদ্যালয়ৰ (Babasaheb Ambedkar Marathwada University) সেই অধ্যাপকজনক। লগতে পত্নীকো সোধা-পোছা কৰা হৈছে।
ছাত্ৰীগৰাকীৰ পৰিয়ালৰ হৈ অধ্যাপকগৰাকীৰ বিৰুদ্ধে এফআইআৰ দাখিল কৰা হৈছে। অভিযোগ অনুসৰি, অভিযুক্তই এবছৰতকৈও অধিক সময় ধৰি ছাত্ৰীগৰাকীৰ সৈতে বলপূৰ্বকভাৱে শাৰীৰিক সম্পৰ্ক স্থাপন কৰিছিল। এই অপৰাধত অধ্যাপকগৰাকীৰ পত্নীয়েও তেওঁৰ লগত সংগ দিছিল। দম্পতীহালে এটা পুত্ৰ সন্তান বিচাৰে। তাৰ বাবেই ছোৱালীজনীক বাৰে বাৰে ধৰ্ষণ কৰা বুলি অভিযোগ উত্থাপন হৈছে। অভিযুক্তই কিশোৰীগৰাকীৰ পৰিয়ালকো হাৰাশাস্তি কৰে।
আৰক্ষীয়ে দম্পতীহালৰ বিৰুদ্ধে ভাৰতীয় দণ্ডবিধিৰ ৩৭৬, ১০৯, ৫০৪ আৰু ১১৪ ধাৰাত গোচৰ ৰুজু কৰিছে। অভিযুক্ত বাবাছাহেব আম্বেদকাৰ বিশ্ববিদ্যালয়ৰ নাট্য শিক্ষক বুলি জানিবলৈ দিয়ে। ২০১৯ চনৰ পৰা ২০২১ চনৰ ভিতৰত তেওঁ অনলাইনযোগে বিশ্ববিদ্যালয়ৰ ক্লাছ লৈছিল। তাৰ পৰাই তেওঁ ভুক্তভোগী ছাত্ৰীগৰাকীৰ সংস্পৰ্শলৈ আহে। অভিযোগ অনুসৰি, তেওঁ ছাত্ৰীগৰাকীক নিজৰ ঘৰত পৰিয়ালৰ সৈতে থাকিবলৈ পতিয়ন নিয়াইছিল।
অভিযোগত ছাত্ৰীগৰাকীয়ে কয় যে ২০২২ চনৰ ফেব্ৰুৱাৰী মাহৰ পৰা ২০২৩ চনৰ ফেব্ৰুৱাৰীলৈকে তেওঁ অধ্যাপকগৰাকীৰ ঘৰত বাস কৰিছিল। সেই সময়ছোৱাত তেওঁক কেইবাবাৰো ধৰ্ষণ কৰা হৈছিল। এই ঘটনাৰ কথা ছাত্ৰীগৰাকীয়ে অধ্যাপকগৰাকীৰ পত্নীক জনায়। কিন্তু অভিযোগ অনুসৰি পত্নীয়ে প্ৰতিবাদ নকৰিলে। বৰঞ্চ তেওঁ ছাত্ৰীগৰাকীক কʼলে যে তেওঁলোকে তেওঁৰ পৰা এজন পুত্ৰ সন্তান বিচাৰে।
অভিযোগ অনুসৰি, ছাত্ৰীগৰাকীয়ে ঘৰলৈ উভতি যায় যদিও ফোন কৰি হাৰাশাস্তি কৰে। অধ্যাপকগৰাকীৰ ঘৰৰ পৰা তেওঁৰ পৰিয়াললৈ বিভিন্ন ভাবুকিও আহে। ছাত্ৰীগৰাকীয়ে প্ৰথমে বিশ্ববিদ্যালয় কৰ্তৃপক্ষক সমগ্ৰ বিষয়টো অৱগত কৰে। তাৰ পিছত তেওঁৰ পৰিয়াল আৰক্ষীৰ কাষ চাপে। অৱশেষত অধ্যাপকজনক গ্ৰেপ্তাৰ কৰা হয়।