দিল্লীৰ আবকাৰী নীতিৰ গোচৰৰ (Delhi excise case) সন্দৰ্ভত চিবিআই (CBI)য়ে প্ৰায় ন ঘণ্টা ধৰি কেজৰিৱাল (Kejriwal)ক সোধা-পোছা কৰাৰ পিছত আপ (AAP) আৰু বিজেপিৰ (BJP) মাজত সংঘাত (Conflict) শেহতীয়াভাৱে তীব্রতৰ হৈ পৰিছে।
তাৰেই অংশ হিচাপে ভাৰতীয় জনতা পাৰ্টিৰ কৰ্মীসকলে সোমবাৰে দিল্লী বিধানসভাৰ বাহিৰত মুখ্যমন্ত্ৰী অৰবিন্দ কেজৰিৱালৰ বিৰুদ্ধে আবকাৰী নীতিৰ গোচৰটোক লৈ প্ৰতিবাদ সাব্যস্ত কৰে। উল্লেখ্য, দেওবাৰে কেন্দ্ৰীয় অনুসন্ধান ব্যুৰোৱে (চিবিআই) আপ নেতাজনক ন ঘণ্টা ধৰি সোধা-পোছা কৰিছিল। দিল্লী বিধানসভাৰ চৌহদৰ বাহিৰত উপস্থিত দলীয় কৰ্মীসকলে আপৰ শীৰ্ষ নেতাজনৰ বিৰুদ্ধে শ্ল’গান দিয়ে। প্ৰতিবাদৰ সময়ত কিছু কৰ্মীয়ে আনকি নিৰাপত্তাকৰ্মীৰ দ্বাৰা লগোৱা বেৰিকেড ভাঙিবলৈও চেষ্টা কৰা দেখা যায়।
