বোৱাৰী (Daughter-in-law)ৰ সৈতে বিবাহ বহিৰ্ভূত সম্পৰ্কত লিপ্ত হয় শহুৰ (Father in law)। তাৰ পিছত পুতেকৰ বাইক লৈ বোৱাৰীৰ লগত পলাই (Run away with daughter-in-law) যায়। ন্যায় বিচাৰি আৰক্ষীৰ দ্বাৰস্থ হয় অসহায় যুৱকজন।
ৰাজস্থান (Rajasthan)ৰ বুণ্ডী জিলাৰ (Bundi District) চিলোৰ গাঁৱত সংঘটিত হৈছে এই ঘটনা। তাৰে বাসিন্দা পৱন বৈৰাগী (Pawan Bairagi)। তেওঁ পিতৃ ৰমেশ বৈৰাগীৰ (Ramesh Bairagi) বিৰুদ্ধে আৰক্ষীৰ ওচৰত এজাহাৰ দাখিল কৰে। অভিযোগ অনুসৰি পৱনৰ পত্নীৰ সৈতে ৰমেশ পলাই যায়। অভিযোগকাৰীয়ে দাবী কৰে যে তেওঁৱেই বোৱাৰীয়েকক পলাবলৈ উচটনি দিছিল।
আনকি পলায়ন কৰাৰ সময়ত পিতৃয়ে বাইকখনো চুৰি কৰি লৈ যায় বুলি অভিযোগ উত্থাপন হৈছে।পৱনে দাবী কৰে যে তেওঁৰ পত্নীৰ পিতৃৰ সৈতে বিবাহ বহিৰ্ভূত সম্পৰ্ক আছিল। পত্নীক পিতৃয়ে তেওঁৰ বিৰুদ্ধে উচটনি দিয়ে। ঘৰৰ পৰা পলাই যাবলৈ উচটনি দিয়ে। ইয়াৰ পিছতে পৱনৰ বাইকখন লৈ দুয়ো পলায়ন কৰে।
পৱনৰ ৬ মহীয়া সন্তান আছে। কামৰ বাবে পৱন গাঁৱৰ বাহিৰত থাকিবলগা হয়। লগতে পৱনে আৰক্ষীক জনোৱা মতে, মাতৃয়ে ককাক লৈ পলাই যোৱাৰ বাবে শিশুটিৰ যত্ন লোৱাত সমস্যা হৈছে। কিন্তু তেওঁৰ অভিযোগ আৰক্ষীয়ে গুৰুত্বসহকাৰে লোৱা নাছিল বুলি দাবী কৰে।
আৰক্ষীৰ ওচৰত পৱনৰ মূল অভিযোগ পিতৃৰ বিৰুদ্ধে। তেওঁৰ পত্নী নিৰ্দোষী বুলি দাবী কৰে। বৰঞ্চ তেওঁৰ অভিযোগ, পত্নীয়ে পিতৃৰ প্ৰৰোচনা আৰু প্ৰলোভনৰ জালত ভৰি দিছে। ইয়াৰ পূৰ্বেও পিতৃগৰাকী কেইবাটাও অবৈধ লেনদেনত জড়িত আছিল বুলি অভিযোগ পৱনৰ।
এই সন্দৰ্ভত সদৰ থানাৰ আৰক্ষী বিষয়া অৰবিন্দ ভৰদ্বাজে কয় যে সমগ্ৰ ঘটনাটো যথাযথ গুৰুত্বসহকাৰে বিবেচনা কৰা হৈছে। আৰক্ষীয়ে তদন্ত আৰম্ভ কৰিছে। লগতে পৱনক আশ্বাস দিয়া হৈছে যে বাইকখনৰ সৈতে পলায়ন কৰা যুগলৰ শীঘ্ৰে সন্ধান উলিওৱা হʼব। অৱশ্যে এই পৰ্যন্ত তেওঁলোকৰ কোনো সন্ধান পোৱা নাই।
