উঁই পৰুৱাই (Flying pigeon) বেংকৰ লকাৰত (Bank Locker) ৰখা গ্ৰাহকৰ লাখ লাখ টকা কুটিলে। বেংকৰ পৰা ধন উলিয়াবলৈ যোৱা মহিলা গ্ৰাহক এগৰাকী লকাৰ খুলি হতভম্ব হৈ পৰে। লকাৰৰ ভিতৰত হাজাৰ হাজাৰ উঁই পৰুৱা বাহ সাজি থকা দেখিলে। টকাৰ ওপৰত পিলপিলাই ঘূৰি ফুৰিছে। টকাৰ বাণ্ডিলবোৰ কুটি পেলাইছে। সঞ্চিত ধনৰ পৰিণতি দেখি গ্ৰাহকে চেতনা হেৰুৱাই পেলায়।
ৰাজস্থানৰ উদয়পুৰত (Udaipur in Rajasthan) সংঘটিত হৈছে এই ঘটনা। গ্ৰাহকৰ নাম সুনীতা মেহতা (Sunita Mehta)। বৃহস্পতিবাৰে তেওঁ উদয়পুৰৰ এটা চৰকাৰী বেংকৰ লকাৰত ৰখা ধন উলিয়াবলৈ গৈছিল। লকাৰটো খুলিয়েই দৃশ্যটো দেখি বেংক কৰ্তৃপক্ষক খবৰ দিয়ে।
বেংকৰ কৰ্মচাৰীসকলো এনে দৃশ্য দেখি স্তম্ভিত হৈ পৰিল। বেংকৰ গাফিলতিৰ অভিযোগ সুনীতাৰ। তেওঁৰ মতে, গ্ৰাহকে এই ধন বেংকৰ আস্থাত ৰাখিছিল। কিন্তু এই বেংক কৰ্তৃপক্ষই ইয়াৰ প্ৰতি কোনো গুৰুত্ব নিদিলে। কীটনাশক দ্ৰব্য ব্যৱহাৰ নকৰাৰ বাবেই উঁই পৰুৱাই বাহ লৈছে বেংকৰ লকাৰত।
সুনীতাৰ ভাষাত, “বেংকৰ লকাৰত ৰখা মোৰ সকলো টকা উঁই পৰুৱাৰ পেটত গৈছে। লকাৰত আছিল ২ লাখ ১৫ হাজাৰ টকা। এই ঘটনাৰ বাবে দায়ী বেংক কৰ্তৃপক্ষ।” বেংকৰ মেনেজাৰ প্ৰবীণকুমাৰ যাদৱে কয় যে এই ঘটনা উচ্চ কৰ্তৃপক্ষক খবৰ দিয়া হৈছে। গ্ৰাহকক মাতি অনা হয়। আমি তেওঁলোকৰ লগত বহি বিষয়টো সমাধান কৰিবলৈ চেষ্টা কৰিম। গ্ৰাহকে ধন ঘূৰাই পাবনে? এই সন্দৰ্ভত কোনো মন্তব্য কৰা নাই মেনেজাৰে।
