এক সুন্দৰ প্ৰেম কাহিনী। প্ৰেমে নাজানে বয়সৰ অংক অথবা সমাজৰ কিছুমান হেঁচা। এনে এক প্ৰেম কাহিনীৰ সাক্ষী হৈ ৰৈছে থাইলেণ্ডবাসী। য’ত ১৯ বছৰীয়া এজন যুৱক ৱুথিচাই চন্তৰাজে ৩৭ বছৰৰ ব্যৱধান থকা ৫৬ বছৰীয়া জানলা নামুৱাংৰাক বিয়া কৰাইছে।
১৯ বছৰীয়া ৱুথিচাই ১০ বছৰ পূৰ্বে বিবাহ বিচ্ছেদ হোৱা জানলাৰ ঘৰলৈ খেলিবলৈ লগতে তেওঁৰ ঘৰৰ কামত সহায় কৰিবলৈ আহিছিল। যেতিয়া ৱুথিচাই ১৭ বছৰ বয়সত ভৰি দিলে তেতিয়া জানলাৰ বাবে তেওঁৰ হৃদয়ত কিছু অনু্ভৱ কৰিবলৈ ল’লে। ঠিক তেনেদৰে, দুয়োয়ে বিবাহপাশত আবদ্ধ হ’বলৈ পৰিয়ালৰ সকলোকে অৱগত কৰে।
আন্তঃৰাষ্ট্ৰীয় সংবাদ মাধ্যমে দিয়া এক প্ৰতিবেদন অনুসৰি, জানলাই বুথিচাইক তেওঁৰ জীৱনৰ চুপাৰহিৰো’ হিচাবে গণ্য কৰে। ৱুথিচাইৰ বিষয়ে জানলাই নিজৰ সন্তানক কওঁতে তেওঁলোকো স্তম্ভিত হৈ পৰে যদিও প্ৰেমিক দ্বয় নিজৰ প্ৰেমক লৈ সুখী বুলি মন্তব্য কৰে।