দলপতিৰ সিদ্ধান্ত হাইকমাণ্ডে ল’বঃ দেৱব্ৰত শইকীয়া

ASSAM TIMES POST
গুৱাহাটীঃ অসম বিধান সভাত কংগ্ৰেছৰ দলপতি দেৱব্ৰত শইকীয়াক অপসাৰণৰ দাবীত কেইবাজনো বিধায়কে কংগ্ৰেছ হাইকমাণ্ডলৈ পত্ৰ প্ৰেৰণ কৰাৰ পাছত বুধবাৰে এই সম্পৰ্কত মুখ খুলিছে শইকীয়াই। শইকীয়াই লগতে অসম প্ৰদেশ কংগ্ৰেছ সমিতিৰ সভাপতি ৰিপুণ বৰাক অপসাৰণৰ কুচকাৱাজৰ প্ৰসংগতো মত প্ৰকাশ কৰে। গুৱাহাটীত শইকীয়াই কয় যে কংগ্ৰেছৰ হাই কমাণ্ড আছে। সেয়ে সভাপতি কিম্বা দলপতি কোন হ’ব সেই সিদ্ধান্ত হাই কমাণ্ডে ল’ব। এই কথাসমূহক দলৰ আভ্যন্তৰীণ বিষয় বুলি উল্লেখ কৰি তেওঁ লগতে কয় যে দলৰ আভ্যন্তৰীণ বিষয় ৰাজহুৱা কৰিব নাপায়।