নাগৰিকত্ব সংশোধনী বিধেয়ক বাতিলৰ দাবীত নগাঁৱত বিক্ষোভ

ASSAM TIMES POST
নগাঁও: নাগৰিকত্ব সংশোধনী বিধেয়ক বাতিলৰ দাবীত আজি নগাঁও আছুৱে বিক্ষোভ কাৰ্যসূচী ৰূপায়ন কৰে ৷ নগাঁও জিলা ছাত্ৰসন্থাৰ উদ্যোগত আয়োজিত এই বিক্ষোভ কাৰ্যসূচীত অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিয়েও সহযোগিতা আগবঢ়ায় ৷ দুই শতাধিক ছাত্ৰ-ছাত্ৰীয়ে নগাঁও চহৰৰ মাজমজিয়াৰে এক সমদল উলিয়াই এই বিক্ষোভ কাৰ্যসূচী পালন কৰে৷ চৰকাৰে জাতীয় সংগঠনৰ তীব্র বিৰোধিতাৰ পাচতো যদি নাগৰিকত্ব সংশোধনী বিধেয়কৰ পোষকতা কৰে তেন্তে অনাগত দিনত ইয়াতকৈও জংগী আন্দোলন গঢ়ি তোলাৰ হুংকাৰ দিয়ে ছাত্ৰ সংগঠন দুয়োটাই ।