বিহাৰৰ ভেলৱা ৰে’ল ষ্টেচনৰ সমীপত ৰে’লৰ ইঞ্জিনত সংঘটিত হোৱা ভয়ংকৰ অগ্নিকাণ্ডই যাত্ৰাবাহী ৰে’লৰ যাত্ৰীক আংতকিত কৰি তোলে। ৰক্সৌলৰ পৰা বিহাৰৰ নৰকটিয়াগঞ্জলৈ গৈ থকা ৰে’লখন অগ্নিকাণ্ডৰ ফলত ৰখাই দিয়া হয়।
ইফালে এই ভয়াবহ অগ্নিকাণ্ডৰ পিছতে তাৎক্ষণিকভাৱে ঘটনাস্থলীত অগ্নি নিৰ্বাপক বাহিনীৰ গাড়ী উপস্থিত হৈ ৰে’লখনৰ ইঞ্জিনৰ পৰা জুই নিৰ্বাপনৰ চেষ্টা চলায়। এই জুই বিয়পি পৰিবলৈ সক্ষম নোহোৱাত ৰে’লখন অধিক ক্ষয়-ক্ষতিৰ পৰা ৰক্ষা পৰে বুলি জানিব পৰা গৈছে।
অগ্নিকাণ্ডৰ পিছত ৰে’লখনৰ সকলো যাত্ৰীক সুকলমে নমাই অনা হয়। আনহাতে এই ঘটনাৰ পিছত কিছুসময়ৰ বাবে নিৰ্দিষ্ট ৰে’লপথেৰে ৰে’লৰ চলাচল ব্যাহত হৈ পৰে।