ইংলেণ্ডৰ বিৰুদ্ধে এখন টেষ্টৰ পিছত তিনি মেচৰ টি-২০ শৃংখলা আৰু এদিনীয়া মেচ খেলাৰ কথা ভাৰতে। কিন্তু টি-২০ শৃংখলাত ৰোহিত শর্মা (Rohit Sharma), বিৰাট কোহলি (Virat Kohli)ক বিশ্রাম দিব বিচাৰিছে বোৰ্ডে। ১-৫ জুলাইত বার্মিংহামত টেষ্ট। মাজত এদিনৰ বিৰতিৰ পিছতেই ৭ জুলাইৰ পৰা টি-২০ শৃংখলা। বোর্ডৰ চিন্তা, অতিৰিক্ত ক্রিকেট খেলা হ’ব ৰোহিত-কোহলিৰ।
সেয়ে তেওঁলোকক পর্যাপ্ত বিশ্রাম দি হার্দিক পাণ্ডিয়াৰ নেতৃত্বত আয়াৰলেণ্ডৰ বিৰুদ্ধে টি-২০ খেলা দলটোকেই ইংলেণ্ডৰ বিৰুদ্ধে খেলাবলৈ বিচাৰিছে সৌৰভ গাঙ্গুলিৰ বি চি চি আয়ে।
২৬ আৰু ২৮ জুনত আয়াৰলেণ্ডত মেচচ। উক্ত মেচ দুখন খেলিয়েই দলটো ইংলেণ্ডলৈ যাব। তাত ২০ অভাৰৰ দুখন প্রস্তুতি মেচ খেলিব হার্দিক বাহিনীয়ে। অৱশ্যে এই পর্যন্ত কেৱল টেষ্ট দলটোহে ঘোষণা কৰা হৈছে।