নগাঁও,২০ অক্টোবৰঃ মহাপুৰুষ মাধৱদেৱৰ প্ৰিয় শিষ্য গোপালদেৱৰ জীয়ৰী আই পদ্মপ্ৰিয়া আছিল অসমৰ প্ৰথম গৰাকী মহিলা কবি।আই পদ্মপ্ৰিয়াৰ জীৱনৰ ওপৰত ভিত্তি কৰি বিশিষ্ট নাট্যকাৰ গুণদা গোস্বামীয়ে লিখি উলিওৱা ‘সাগৰ তলে গংগা’ নামৰ নাটকখন আজি নগাঁও প্ৰেছ ক্লাৱত উন্মোচিত হয়।গ্ৰন্থখন উন্মোচন কৰে সদৌ অসম গোপালদেৱ সমাজৰ সভাপতি ডা: কেশৱানন্দ গোস্বামীয়ে।সাহিত্য আলোচনা চক্ৰৰ সভাপতি মুহিউদ্দিন আহমেদে সভাপতিত্ব কৰা সভাখনত সুৱৰ্ণ গোস্বামী,ডা: ঋষেশ্বৰ ঠেঙাল শইকীয়া,ডঃ আবু হানিফা,হোমেশ্বৰ দেৱ শৰ্মা,পুন্যদা বৰা প্ৰমুখ্যে বিশিষ্ট ব্যক্তি সকল উপস্থিত থাকে উপস্থিত থাকে।উন্মোচক ডাঃ কেশৱানন্দ গোস্বামীয়ে লেখিকা গুণদা গোস্বামীয়ে গৱেষণালব্ধ প্ৰচেষ্টাৰে প্ৰকাশ কৰি উলিওৱা গ্ৰন্থখনৰ বাবে তেওঁক শলাগ লয়।বাগেশ্ৰী কৌশিক আৰু তন্ময় কৌশিকৰ লিংগস্ত্ৰোতম পাঠৰে সভা আৰম্ভ হয়। লেখিকা গোস্বামীয়ে ইতিমধ্যে তিনিখনকৈ সামাজিক নাট আৰু বহু চুটি নাট ৰচনাৰে নাট্য সাহিত্যৰ ক্ষেত্ৰখনলৈ অৱদান আগবঢ়াইছে। গুণদা গোস্বামীৰ ৰচিত নাট ‘সাগৰ তলে গংগা’ প্ৰকাশৰ পূৰ্বেই বিগত বৰ্ষত অগ্ৰণী সাংস্কৃতিক গোষ্ঠী ‘হেঁপাহ’ৰ উদ্যোগত মঞ্চস্থ হৈছিল।
