ভূমি কেন্দ্ৰিক বিবাদৰ কৰুণ পৰিসমাপ্তি : ভিনিহিয়েকক হত্যা

লংকাৰ বৰজাৰণী গাঁৱত ৩১ মাৰ্চ তাৰিখে আবেলি সংঘটিত হৈছিল এক হত্যাকাণ্ডৰ ঘটনা। ভূমিক কেন্দ্র কৰি খুৰশালীয়েকে হত্যা কৰিছিল নিজ ভিনিহিয়েক ফইজুল হকক। উক্ত ঘটনা সন্দৰ্ভত লংকা আৰক্ষী থানাৰ অন্তৰ্গত উদালী আৰক্ষী পহৰা চকীত ১২৮/২২ নম্বৰত ৰুজু হোৱা গোচৰৰ ভিত্তিত উদালী আৰক্ষীয়ে অভিযান চলাই ইতিমধ্যেই আটক কৰিছে দুজনক।

তাৰে মূল অভিযুক্ত জিয়াবুৰ ৰহমানক আটক কৰি সোধপোছৰ অন্তত: জেল হাজোতলৈ প্ৰেৰণ কৰিছে আৰক্ষীয়ে । আনহাতে অভিযুক্ত জিয়াবুৰ ৰহমানে নিজ ভিনিহিয়েকক চোকা অস্ত্রৰে আঘাট কৰি হত্যা কৰা কথা কৰিছে স্বীকাৰ। উক্ত ঘটনা সন্দৰ্ভত আন অভিযুক্ত দুজনক বিচাৰি আৰক্ষীৰ অভিযান অব্যাহত।