ষ্টাফ ৰিপ’ৰ্টাৰ:
ৰাজ্যত দ্ৰুতগতিত বাঢ়িছে ক’ৰোণাত আক্ৰান্তৰ সংখ্যা।যোৱা ২৪ ঘন্টাত ৰাজ্যত ৪৯৯১৫ টা পৰীক্ষা সম্পাদন কৰাৰ পিছত নতুনকৈ ৩২৭৪ গৰাকী লোক কোভিড–১৯ত আক্ৰান্ত হোৱা বুলি পৰীক্ষাত ধৰা পৰিছে ৷
ইয়াৰে ১১৩৮জন কামৰূপ মেট্ৰ’ৰ, ২৮৭জন কাছাৰৰ, ১৭২জন যোৰহাটৰ আৰু ১৭২জন কামৰূপ গ্ৰাম্যৰ।বুধবাৰৰ দিনটোত আক্ৰান্তৰ গড় হৈছে ৬.৫৬ শতাংশ।
আনহাতে,বুধবাৰৰ দিনটোত মৃত্যু হৈছে ৪জন ব্যক্তিৰ৷ উল্লেখ্য যে বুধবাৰৰ দিনটোত ৰাজ্যত সুস্থ হৈছে ৭৩১জন লোক।ৰাজ্যত সুস্থৰ হাৰ ৯৬.৯৬শতাংশ।ৰাজ্যত এতিয়াও চিকিৎসাধীন হৈ আছে ১১৭৯২জন ৰোগী।
