ষ্টাফ ৰিপ’ৰ্টাৰ:
ৰাজ্যত দ্ৰুতগতিত বাঢ়িছে ক’ৰোণাত আক্ৰান্তৰ সংখ্যা৷ যোৱা ২৪ ঘন্টাত ৰাজ্যত ৪৯৮৪০ টা পৰীক্ষা সম্পাদন কৰাৰ পিছত নতুনকৈ ২৮৩৭ গৰাকী লোক কোভিডত আক্ৰান্ত হোৱা বুলি পৰীক্ষাত ধৰা পৰিছে ৷
ইয়াৰে ৮৭০জন কামৰূপ মেট্ৰ’ৰ, ২১৫জন যোৰহাটৰ, ১৮৯জন কাছাৰৰ আৰু ১৭০জন ডিব্ৰুগড়ৰ।মঙলবাৰৰ দিনটোত আক্ৰান্তৰ গড় হৈছে ৫.৬৯ শতাংশ।
আনহাতে,মঙলবাৰৰ দিনটোত মৃত্যু হৈছে ২ জন ব্যক্তিৰ৷ উল্লেখ্য যে মঙলবাৰৰ দিনটোত ৰাজ্যত সুস্থ হৈছে ৪৪৯জন লোক।ৰাজ্যত সুস্থৰ হাৰ ৯৭.৩৪ শতাংশ।ৰাজ্যত এতিয়াও চিকিৎসাধীন হৈ আছে ৯২৫৩ জন ৰোগী।
