বিশেষ প্ৰতিনিধিঃ
বিগত ডেৰ বছৰ ধৰি কৰোনা ভাইৰাছে যেনেদৰে তাণ্ডৱ চলাইছে তাৰ প্রভাৱ ব্যাপকভাবে পৰিছে। এই মাৰণ ভাইৰাছে শিশু আৰু তেওঁলোকৰ পৰিয়ালক মানসিক দিশৰ পৰা মাৰাত্মকভাবে ক্ৰিয়া কৰিছে। এনে পৰিস্থিতিত ভাৰতৰ যুৱ সমাজ অর্থাৎ ১৫-২৪ বছৰীয়া যুৱক-যুৱতীসকল মানসিকভাবে ব্যাপকভাবে আক্রান্ত হৈছে। এই ৰিপোর্ট প্ৰকাশ কৰিছে ইউনিচেফে(UNICEF)।
প্রতিবেদনখনত কোৱা হৈছে যে ভাৰতত ১৫-২৪ বছৰ বয়সৰ ভিতৰত প্রায় ১৪ শতাংশ বা ৭ জনৰ ভিতৰত ১ জন প্রায়েই হতাশাগ্রস্ত হৈ পৰিছে এনে পৰিস্থিতিত। কেন্দ্রীয় স্বাস্থ্যমন্ত্রী মনসুখ মাণ্ডব্যই মঙ্গলবাৰে ইউনিচেফৰ উক্ত প্রতিবেদনখন প্রকাশ কৰে। তেওঁ কয়, ‘আমাৰ সনাতন সংস্কৃতি আৰু আধ্যাত্মিকতাত মানসিক স্বাস্থ্য ব্যাপকভাবে আলোচিত হয়। মন আৰু শৰীৰৰ বিকাশ আমাৰ গ্রন্থবোৰত ব্যাখ্যা কৰা হৈছে। এটি সুস্থ মন এটি সুস্থ শৰীৰত বাস কৰে। আমি অত্যন্ত সুখী যে ইউনিচেফে শিশুসকলৰ মানসিক স্বাস্থ্য সন্দৰ্ভত এক বৈশ্বিক প্রতিবেদন প্রকাশ কৰিছে।’
ইয়াৰ উপৰি শিশুসকলৰ মানসিক হতাশাৰ অন্যতম কাৰণ সন্দৰ্ভত তেওঁ কয়, ‘যিহেতু আমাৰ সমাজত যৌথ পৰিয়াল এতিয়া প্রায় কমি গৈছে। তাৰ পৰিৱর্তে পৃথকে পৃথকে থকা হয়। শিশুসকলে খেলাৰ বাবে বা কথা পতাৰ বাবে বেছি মানুহ নাপায়। বৰ্তমান পিতৃ-মাতৃয়ে তেওঁলোকৰ সন্তানক পর্যাপ্ত সময় দিব নোৱাৰে। সেয়ে শিশুসকলে হতাশাৰ কথাও তেনেদৰে ক’ব পৰা নাই। ফলত বৃদ্ধি পাইছে মানসিক হতাশা।’
ভাৰতত ১৫-২৪ বছৰ বয়সৰ ভিতৰত প্রায় ১৪ শতাংশ বা ৭ জনৰ ভিতৰত ১ জন প্রায়েই হতাশাগ্রস্ত হৈ পৰিছে
