নিউজ ডেস্কঃ
যাৰ ভয়ত এজন ভাতৃয়ে দেশ এৰি পলাইছে, তাৰ লগতে হাত মিলালে আন এজন ভাতৃয়ে। হয়, আফগানিস্তানৰ প্রাক্তন ৰাষ্ট্ৰপতি আশ্ৰফ গনিৰ ভাতৃ হাচমত গনি আহমেদজায়ে তালিবানত যোগদান কৰিছে। ছচিয়েল মিডিয়াত প্রকাশিত এক ভিডিওত দেখা গ’ল কাবুল দখল কৰা তালিবানৰ শীর্ষ নেতাসকলৰ সৈতে হাত মিলাইছে হাচমতে। অথচ কেইদিনমান পূৰ্বেহে মাথোঁ দেশ এৰি পলাবলগীয়া হৈছে আশ্ৰফ গনি।
ভিডিওটোত দেখা গৈছে, তালিবান নেতাসকলৰ হাতত হাত ৰাখি থিয় হৈ আছে এজন ব্যক্তি। পিন্ধনত পাতল গুলপীয়া ৰঙৰ আফগানী পোছাক। তেওঁকেই আশ্ৰফৰ ভাতৃ হাচমত বুলি দাবী কৰিছে একাধিক সংবাদ মাধ্যমে। তেওঁ সৈতে থিয় দি আছে তালিবান নেতা মুফতি মেহমুদ জাকিৰ আৰু খলিলউৰ ৰহমান। এই মুফতিয়ে হৈছে তালিবানসকলৰ ধর্মীয় নেতা।
https://twitter.com/MJalal700/status/1428911765895712769
আফগানিস্তানৰ সংবাদ মাধ্যমৰ উপৰি বহুতেই উক্ত ভিডিওটিত টুইট কৰি দাবী কৰিছে, হাচমতে কেৱল তালিবানৰ প্রশংসা বা হাত মিলোৱাৰ কমেই কৰা নাই, তেওঁ দলতো যোগদান কৰিছে। উল্লেখ্য, ১৫ আগষ্টত কাবুল দখল কৰে তালিবানে। ইয়াৰ পিছতেই দেশ এৰি পলায় দেশখনৰ ৰাষ্ট্ৰপতি আশ্ৰফ গনিয়ে। আশ্রয় লৈছে চৌডি আৰবত। তেওঁ বৰ্তমান ডুবাইত থকা বুলি খবৰ।
