ASSAM TIMES POST
গুৱাহাটীঃ ‘এনইচি’ আৰু ‘নেডা’ৰ বৈঠকত ভাগ ল’বলৈ আহি গৃহমন্ত্ৰী আৰু বিজেপিৰ অধ্যক্ষ অমিত শ্বাহে নাগৰিকত্ব বিধেয়ক আইনত পৰিণত কৰা হ’ব বুলি কোৱাতেই সম্প্ৰতি ৰাজ্যজুৰি চৰ্চা অব্যাহত আছে।
ইয়াৰ মাজতে মঙলবাৰে দিনৰ ভাগত সংবাদ মাধ্যমলৈ এটা বিবৃতি প্ৰেৰণ কৰি কংগ্ৰেছ বিধায়িনী দলে নিজৰ স্থিতি স্পষ্ট কৰে। ইয়াত বিৰোধী দলপতি দেৱব্ৰত শইকীয়াই কয় যে অসম কংগ্ৰেছ বিধায়িনী দলে অসম চুক্তি আখৰে আখৰে ৰূপায়ণ হোৱাটো বিচাৰে।
১৯৭১ চনৰ ২৫ মাৰ্চৰ পিছত কাকোকেই অসমত নাগৰিকত্ব দিয়া বা ৰখাটো কংগ্ৰেছে নিবিচাৰে।
বিবৃতিটোত শইকীয়াই উল্লেখ কৰে যে এই স্থিতিৰ সৈতে কংগ্ৰেছ বিধায়িনী দলৰ সকলো বিধায়ক সম্পূৰ্ণ একমত।