নিউজ ডেস্কঃ
কৰোনাৰ পৰা বাচি থাকিবলৈ মাস্ক পৰিধান আৰু দূৰত্ববিধি মানি ৰখাৰ বাধা-নিষেধ আছে। এই পৰিস্থিতিতে উত্তৰ প্রদেশৰ বেৰেলিত ঘটিল মর্মান্তিক কাণ্ড। শুক্রবাৰে এটি ৰাষ্ট্ৰীয় বেঙ্কৰ শাখালৈ গৈছিল ৰে’লকর্মী ৰাজেশ কুমাৰ। লগত আছিল পত্নী। ৰাজেশৰ মুখত মাস্ক নাছিল। আৰু তাকে লৈ বেঙ্কৰ ভিতৰত ব্যক্তিগত কোম্পানীৰ এজন নিৰাপত্তাৰক্ষীৰ সৈতে তৰ্ক আৰম্ভ হয় ৰাজেশৰ। তাৰ পিছত হঠাৎ ৰাজেশক লক্ষ্য কৰি গুলী চালনা কৰে নিৰাপত্তাৰক্ষীজনে। ৰক্তাক্ত অৱস্থাত বেঙ্কৰ ভিতৰতেই লুটি খাই পৰে তেওঁ। ঘটনাটিৰ এটি ২৭ চেকেণ্ডৰ ভিডিও ভাইৰেল হৈছে।
ঘটনাৰ পিছতেই ৰাজেশক হস্পিটেললৈ লৈ যোৱা হয়। বৰ্তমান তেওঁ ভালে আছে বুলি খবৰ। নিৰাপত্তাৰক্ষীজনক আটক কৰা হৈছে। আৰক্ষীয়ে সমগ্র ঘটনাৰ তদন্ত কৰিছে। নিৰাপত্তাৰক্ষীজনক সোধাপোছা কৰা হৈছে।
