ASSAM TIMES POST
হাওৰাঘাট: অসমৰ বিভিন্ন প্ৰান্তত ক্ৰমান্বয়ে বাঢ়ি অহা সাংবাদিকৰ ওপৰত হোৱা ভাবুকি আৰু আক্ৰমণৰ ঘটনাক লৈ তীব্ৰ উদ্বেগ প্ৰকাশ কৰিছে হাওৰাঘাট মহকুমা প্ৰেছ ক্লাৱে ।
আজি মাজুলীৰ প্ৰতিদিন টাইমৰ সাংবাদিক তীৰ্থ ভূঞাক দুৰ্বৃত্তই কৰা আক্ৰমণৰ তীব্ৰ নিন্দা কৰি হাওৰাঘাট মহকুমা প্ৰেছ ক্লাৱৰ সভাপতি প্ৰশান্ত বৰা আৰু সম্পাদক ৰূপক দাসে প্ৰেছলৈ দিয়া এক বিবৃতিত নিৰস্ত্ৰ সাংবাদিকৰ ওপৰত এনে আক্ৰমণ কাপুৰুষালি আৰু গণতন্ত্ৰৰ প্ৰতি এক ভাবুকি বুলি মন্তব্য কৰিছে ৷
ৰাজ্যখনৰ সকলো সাংবাদিকৰে নিৰাপত্তা সুনিশ্চিত কৰাৰ বাবেও বিবৃতিটোত চৰকাৰক দাবী জনোৱা হৈছে ৷ দুৰ্বৃত্তৰ আক্ৰমণত আহত সাংবাদিক গৰাকীক নিৰাপত্তা দিয়াৰ লগতে দোষীক শীঘ্ৰেই কৰায়ত্ত কৰি কঠোৰ শাস্তি দিবলৈও দাবী জনোৱা হৈছে ৷
