ASSAM TIMES POST
গুৱাহাটীঃ ভাৰতীয় ৰেলৱেৰ গুৰুত্বপূৰ্ণ মণ্ডল উত্তৰ পূব সীমান্ত ৰেলৱেয়ে যোৱা ২১ আগষ্টত ইয়াৰ ১০০ টা ষ্টেচনত মাত্ৰ ৪১ দিনৰ সময়সীমাৰ ভিতৰত ৱাই-ফাই সংযোগ প্ৰদান কৰিছে। শুকুৰবাৰে সংবাদ মাধ্যমলৈ প্ৰেৰণ কৰা এক প্ৰেছ বিজ্ঞপ্তিত এই কথা সদৰী কৰে উত্তৰ পূব সীমান্ত ৰেলৱেৰ মুখ্য জনসম্পৰ্কৰক্ষী বিষয়া প্ৰণৱজ্যোতি শৰ্মাই।
বিবৃতিটোত তেওঁ কয় যে মাত্ৰ ৪১ দিনৰ সময়সীমাৰ ভিতৰত ১০০ টা ষ্টেচনত ৱাই-ফাইৰ ব্যৱস্থা সম্পূৰ্ণ কৰা উত্তৰ পূব সীমান্ত ৰেলৱে হৈছে পূৰ্বাঞ্চলৰ প্ৰথমটো ৰেলৱে মণ্ডল।
দেশৰ প্ৰধানমন্ত্ৰী নৰেন্দ্ৰ মোডীৰ ডিজিটেল ইণ্ডিয়াৰ সপোন বাস্তবায়িত কৰাৰ লক্ষ্যৰে উত্তৰ পূব সীমান্ত ৰেলৱেয়ে ৩৬৩ টা ষ্টেচনত এই সেৱা প্ৰৱৰ্তনৰ লক্ষ্য নিৰ্ধাৰণ কৰিছিল। ইয়াৰে বৰ্তমানলৈকে ১৬৮ টা ষ্টেচনত ৱাই-ফাই ব্যৱস্থা সম্পূৰ্ণ হৈ উঠিছে আৰু বাকী ১৯৫ টা ষ্টেচনত শীঘ্ৰেই হৈ উঠিব।
