ASSAM TIMES POST
নগাঁওঃ ৰেল বিভাগত চাকৰি দিয়াৰ প্ৰলোভনেৰে ধন সংগ্ৰহ কৰা এটা প্ৰবঞ্চকক নগাঁও আৰক্ষীয়ে কৰায়ত্ত কৰে। আটকাধীন প্ৰবঞ্চকটোৰ নাম স্বামীম আৰিফ। আৰিফৰ ঘৰ মৰিগাঁও জিলাত।
উল্লেখ্য, চলিত বৰ্ষৰ ফেব্ৰুৱাৰীত চিন্তামণি কোঁৱৰ নামৰ এগৰাকী মহিলাৰ পৰা ৰেল বিভাগত চাকৰি দিয়াৰ নামত ৩ লাখ টকা সংগ্ৰহ কৰিছিল ধৃত আৰিফে।
এই সন্দৰ্ভত মহিলা গৰাকীয়ে নগাঁও সদৰ থানাত এজাহাৰ দাখিল কৰিছিল। উক্ত এজাহাৰৰ ভিত্তিত কালি আৰক্ষীয়ে নগাঁৱৰ এটা ভাড়াঘৰৰ পৰা আটক কৰে প্ৰবঞ্চক স্বামীম আৰিফক। এই সন্দৰ্ভত নগাঁও সদৰ থানাত ভাৰতীয় দণ্ডবিধি আইনৰ ৪২০/৪০৬/৪৬৮ ধাৰাৰ অধীনত ৪৫১/১৯ নম্বৰত এটা গোচৰ ৰুজু কৰি তদন্ত অব্যাহত ৰাখিছে আৰক্ষীয়ে।
