স্বাস্থ্য প্ৰতিবেদন:
ৰক্তত শর্কৰাৰ স্তৰ নিয়ন্ত্রণ কৰিবলৈ আপোনাৰ জীৱনযাত্রা স্বাস্থ্যকৰ হোৱাটো খুব জৰুৰী। আপোনাৰ ডায়েটৰ বিশেষ যত্ন লোৱাৰ উপৰি ডায়েবেটিছত আক্রান্ত ৰোগীসকলে অন্যান্য বহু পদক্ষেপ গ্রহণ কৰা উচিত।
ৰক্তত শর্কৰাৰ মাত্রা নিয়ন্ত্রণৰ বাবে আপুনি আপোনাৰ পুৱাৰ ৰুটিনৰ প্রতি বেছি মনোযোগ দিয়া জৰুৰী । ৰক্তত উচ্চ শর্কৰাৰ মাত্রা শৰীৰৰ বাবে অত্যন্ত মাৰাত্মক প্রমাণিত হ’ব পাৰে। ইয়াক সময়ত নিয়ন্ত্রণ কৰিবলৈ, আপোনাৰ প্রতিদিনৰ ৰুটিন পৰিচালনা কৰক। ইয়াৰ বাবে আপুনি প্রতিদিনে পুৱা ৫টা গুৰুত্বপূর্ণ কাম কৰা উচিত।
টোপনিৰ পৰা উঠাৰ পিছত অৱশ্যেই কুহুমীয়া পানী খাবলৈ নাপাহৰিব:
বেছিভাগ মানুহকেই পুৱা টোপনিৰ পৰা উঠাৰ লগে লগে এক কাপ চাহ বা কফিৰ প্রয়োজন হয়, কিন্তু এই অভ্যাস ব্লাড ছুগাৰত আক্রান্ত ৰোগীসকলৰ বাবে অত্যন্ত ক্ষতিকাৰক হ’ব পাৰে। এই জাতীয় ৰোগীসকলে পুৱা টোপনিৰ পৰা উঠাৰ লগে লগে কুহুমীয়া পানী খোৱাটো অভ্যাস কৰা উচিত। ই কেৱল ৰক্তত শর্কৰাৰ মাত্রাই নিয়ন্ত্রণ নকৰে, ই বিপাক ক্ৰিয়া বঢ়ায় আৰু হাইড্রেটেড কৰি ৰাখে। পুৱা কুহুমীয়া গৰম পানী খালে হজমো ভাল হয়।
নিয়মিত পৰীক্ষা কৰাটো অতি গুৰুত্বপূর্ণ
যদি আপোনাৰ ৰক্তত শর্কৰাৰ মাত্রা বেছি থাকে তেতিয়াহ’লে আপুনি প্রতিদিনে ইয়াৰ পৰীক্ষা কৰাৰ অভ্যাস কৰা উচিত। চিকিৎসকসকলে ডায়েবেটিছ ৰোগীসকলক পুৱা ছুগাৰৰ স্তৰ পৰীক্ষা কৰাৰ বাবে প্রথমে পৰামর্শ দিয়ে। প্রকৃতপক্ষে, পুৱাৰ সময়টো ৰক্তৰ স্তৰ পৰীক্ষা কৰাৰ শ্ৰেষ্ঠ সময় হিচাবে বিবেচিত হয়।
পুৱাৰ খাদ্যত স্বাস্থ্যকৰ বস্তু অন্তর্ভুক্ত কৰক
ৰক্তত শর্কৰাৰ মাত্রা নিয়ন্ত্রণ কৰিবলৈ আপুনি স্বাস্থ্যকৰ ব্ৰেকফাষ্ট কৰাটো জৰুৰী। এইটো কৰিলে শর্কৰাৰ স্তৰ নিয়ন্ত্রণত সহায় কৰিব পাৰে। ইয়াৰ লগে লগে শৰীৰো সুস্থ থাকে। পুৱাৰ জলপানত পুষ্টিকৰ খাদ্য গ্রহণ কৰা উচিত। ইয়াত ফাইবাৰ সমৃদ্ধ খাদ্যদ্ৰৱ্য অন্তর্ভুক্ত কৰাৰ বিষয়ত নিশ্চিত হওক।
প্ৰাতঃভ্ৰমণ কৰক
ব্লাড ছুগাৰৰ ৰোগীসকলক খোজকঢ়াৰ পৰামর্শ দিয়া হয়। প্রতিদিনে খোজকাঢ়িলে শৰীৰক স্বাস্থ্যকৰ কৰি ৰখাৰ লগতে ডায়েবেটিছো নিয়ন্ত্ৰণত ৰাখে। সেয়ে পুৱা সোনকালে শুই উঠি খোজকাঢ়ক। ইয়াৰ ফলত ওজনো নিয়ন্ত্রণত থাকে।
আপোনাৰ ভৰিত বিশেষ মনোযোগ দিয়ক
ব্লাড ছুগাৰত আক্রান্ত ৰোগীসকলে প্রায়েই ভৰি ফুলা বা জ্বলনৰ সমস্যা পায়। এই কাৰণে, এই ৰোগীসকলে তেওঁলোকৰ ভৰিৰ বিশেষ মনোযোগ দিয়া উচিত। পুৱা টোপনিৰ পৰা উঠাৰ পিছত যদি আপোনাৰ ভৰিত কিবা পৰিৱর্তন লক্ষ্য কৰে, তেতিয়াহ’লে অবিলম্বে এজন চিকিৎসকৰ সৈতে যোগাযোগ কৰা উচিত। এইটোও আপোনাৰ অভ্যাসত পৰিণত কৰক।
