অন্ধ্ৰপ্ৰদেশৰ এখন নাৰ্চিং কলেজ (Nursing college in Andhra Pradesh)ত ফোন চুৰিক (Phone theft)লৈ শিক্ষাৰ্থীৰ মাজত তৰ্কাতৰ্কি আৰু কাজিয়া (Debates and arguments among students)। হস্তক্ষেপ কৰিবলগীয়া হ’ল স্বয়ং মুখ্যমন্ত্ৰী চন্দ্ৰবাবু নাইডুৱে (Chief Minister Chandrababu Naidu)। কিছুদিন পূৰ্বে অন্ধ্ৰপ্ৰদেশৰ কাকিনাৰাৰ এছ কে কলেজ অৱ নাৰ্চিঙত এগৰাকী ছাত্ৰীৰ ফোন চুৰি হৈছিল। ইয়াৰ পিছত উত্তৰ-পূৰ্বাঞ্চলৰ একাংশ ৰাজ্যৰ শিক্ষাৰ্থী আৰু স্থানীয় শিক্ষাৰ্থীৰ মাজত সংঘৰ্ষৰ সৃষ্টি হয়।
জানিব পৰা মতে, ফোনটো চুৰি হোৱাৰ পিছত মণিপুৰ আৰু নাগালেণ্ডৰ একাংশ ছাত্ৰীয়ে স্থানীয় থানাত এজাহাৰ দাখিল কৰিছিল। অন্ধ্ৰত স্থানীয় তেলেগুভাষী ছাত্ৰীৰ এটা অংশই এই কথা ভালদৰে গ্ৰহণ কৰা নাছিল। প্ৰথমে তৰ্কাতৰ্কি হৈছিল, তাৰ পিছত দুয়োপক্ষৰ মাজত কাজিয়া আৰম্ভ হয়। কলেজৰ হোষ্টেলত ঝাড়ু আৰু লাঠিৰে কাজিয়া হয়। জানিব পৰা মতে, অন্ধ্ৰপ্ৰদেশৰ এগৰাকী ছাত্ৰী আহত হয় আৰু এই কাজিয়াৰ বাবে চিকিৎসালয়ত চিকিৎসাধীন হৈ আছে।
আন ৰাজ্যৰ ছাত্ৰীৰ নাম এই ঘটনাত জড়িত হোৱাৰ লগে লগে অন্ধ্ৰপ্ৰদেশৰ মুখ্যমন্ত্ৰীৰ সচিবালয় সক্ৰিয় হৈ পৰে। অশান্তিৰ খবৰ পাই জিলা প্ৰশাসনৰ বিষয়াসকলে মহাবিদ্যালয়ৰ হোষ্টেলত উপস্থিত হয়। আৰক্ষীও তেওঁলোকৰ লগত আছিল। মণিপুৰ, নাগালেণ্ড আৰু উত্তৰ-পূবৰ ছাত্ৰীক অন্য হোষ্টেললৈ প্ৰেৰণ কৰা হয়। অন্য ৰাজ্যৰ ৩১ গৰাকী ছাত্ৰীকো অন্য ঠাইলৈ স্থানান্তৰ কৰা হয়।
ইফালে মণিপুৰৰ ছাত্ৰী আক্ৰান্ত হোৱাৰ খবৰ পোৱাৰ পিছতে মণিপুৰৰ প্ৰাক্তন মুখ্যমন্ত্ৰী তথা বিজেপি নেতা এন বীৰেণ সিঙে অন্ধ্ৰৰ মুখ্যমন্ত্ৰীৰ সৈতে যোগাযোগ কৰে। শিক্ষাৰ্থীৰ সুৰক্ষাৰ বাবে সময়মতে পদক্ষেপ লোৱাৰ বাবে বীৰেণ সিঙে চন্দ্ৰবাবু নাইডুক ধন্যবাদ জ্ঞাপন কৰে। স্থানীয় প্ৰশাসনৰ সূত্ৰ অনুসৰি, বৰ্তমান পৰিস্থিতি স্বাভাৱিক। হোষ্টেল আৰু কলেজত কটকটীয়া নিৰাপত্তা ব্যৱস্থা কৰা হৈছে।
