প্ৰধানমন্ত্ৰী নৰেন্দ্ৰ মোদীয়ে (Modi) বৃহস্পতিবাৰে মাজনিশা ভিডিঅ’ বাৰ্তা (Mid night video message)ৰ জৰিয়তে নীট কাণ্ডৰ (NEET incident) লগত জড়িত অপৰাধীৰ বিৰুদ্ধে কঠোৰ ব্যৱস্থা গ্ৰহণৰ আশ্বাস (Assurance of taking action) দিয়ে। তেওঁৰ মাজনিশাৰ এই বাৰ্তাক উপহাস কৰিছে কংগ্ৰেছে (Mocking the Congress in message)। মোদীৰ ৰেডিঅ’ অনুষ্ঠান ‘মন কি বাত’ৰ কথা উল্লেখ কৰি তেওঁলোকে প্ৰধানমন্ত্ৰীক উপহাস কৰি কয় যে মাজনিশা মোদীয়ে মনৰ কথা কোৱাতকৈ সংসদলৈ আহি বক্তব্য দিব লাগে। অৱশ্যে সংসদত এই বিষয়ত আলোচনা কৰাৰ পূৰ্বে শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰো দাবী জনাইছে।
শুকুৰবাৰেও নীট কাণ্ডক লৈ ব্যস্ত হৈ পৰে সংসদ। সংসদৰ দুয়োখন সদনত পৰ্যায়ক্ৰমে অধিৱেশন স্থগিত ৰখা হয়। পিছত সমগ্ৰ দিনটোৰ বাবে লোকসভা আৰু ৰাজ্যসভাৰ অধিৱেশন স্থগিত ৰখা হয়। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত বিৰোধী দলৰ সাংসদসকলে সংসদ চৌহদত প্ৰতিবাদ সাব্যস্ত কৰে। লগতে লোকসভাৰ ভিতৰতো তেওঁৰ পদত্যাগৰ দাবীত শ্লোগান উত্থাপন কৰে।
বৃহস্পতিবাৰে নিশা মোদীৰ ভিডিঅ’ বাৰ্তাৰ পিছতে লোকসভাৰ বিৰোধী দলপতি ৰাহুল গান্ধীয়ে ছ’চিয়েল মিডিয়াত পোষ্ট কৰি লিখিছে, “মাননীয় মোদী, আমাৰ ছাত্ৰ-ছাত্ৰীসকলে ধৰ্মেন্দ্ৰ প্ৰধানৰ পদত্যাগৰ দাবী জনাইছে। আপোনাৰ মাজনিশাৰ কৰুণ ভিডিঅ’টোৰে তেওঁলোকৰ বুদ্ধিমত্তাক অপমান নকৰিব।” ইয়াৰ পিছতে ৰাহুল গান্ধীয়ে প্ৰধানমন্ত্ৰীক তিনিটা দাবীৰ কথা সোঁৱৰাই দিয়ে। সেইবোৰ হ’ল ১) ধৰ্মেন্দ্ৰ প্ৰধানৰ পদত্যাগ, ২) ছাত্ৰ প্ৰহাৰ কাণ্ডত অভিযুক্তসকলক শাস্তি দিয়া আৰু ৩) ছাত্ৰ-ছাত্ৰীৰ ওচৰত ক্ষমা বিচৰা।
আনহাতে, কংগ্ৰেছৰ সভাপতি তথা ৰাজ্যসভাৰ বিৰোধী দলপতি মল্লিকাৰ্জুন খাৰ্গেয়েও মোদীক লক্ষ্য কৰি লয়। প্ৰধানমন্ত্ৰীয়ে একপক্ষীয়ভাৱে নিজৰ মনৰ কথা কোৱাৰ পৰিৱৰ্তে লোকসভাৰ অধিৱেশনত উপস্থিত থাকি নিজৰ বক্তব্য দাঙি ধৰিব লাগে বুলি মন্তব্য কৰে। মোদীক এই অৱস্থাৰ কথা সোঁৱৰাই দি খাৰ্গেয়ে ছ’চিয়েল মিডিয়াত লিখিছে, “ধৰ্মেন্দ্ৰ প্ৰধানক বৰ্খাস্ত কৰক আৰু আজি সংসদলৈ আহক।” ৰাহুল গান্ধীৰ তিনিটা দাবীৰো পুনৰাবৃত্তি কৰি খাৰ্গেয়ে লগতে কয়, “যদি (প্ৰধানমন্ত্ৰীয়ে) এই দাবীসমূহ মানি লয়, তেন্তে তেওঁ দেশৰ শিক্ষা ব্যৱস্থা সন্দৰ্ভত বিতং আলোচনাৰ বাবে প্ৰস্তুত হওক।”
