দূৰ্গা পূজাৰ (Durga puja) ব্যস্ততাৰ মাজতে বোকাখাতত পোহৰলৈ আহিছে দ্ৰাগছ কাণ্ড। বোকাখাতত শাৰদীয় দূৰ্গোৎসৱৰ সুযোগ লৈ বৰ বিহ দ্ৰাগছ সেৱনত ব্যস্ত দুই যুৱকক স্থানীয় ৰাইজে নৱমী পূজাৰ দিনা, অৰ্থাৎ বুধবাৰে আটক কৰি আৰক্ষীক গটাই দিয়ে।
পাছত এটা দ্ৰাগছ সৰবৰাহকাৰীকো আটক কৰি ৰাইজে আৰক্ষীক গটাই দিয়ে। বোকাখাতৰ ১০ নং ৱাৰ্ডৰ ৩ নং পূৱ দ গাৱঁত ড্ৰাগছ সেৱন কৰি থকা অৱস্থাত স্থানীয় ৰাইজে দুই যুৱক ক্ৰমে বোকাখাতৰ জ্যোতিপুৰ ম’হমাইকী গাঁৱৰ ডনাল্ড ফুকন (২৯) আৰু বোকাখাতৰ ৯ নং ৱাৰ্ডৰ সুব্ৰজিৎ সিং ওৰফে বাবু সিং (২৩)ক এটা চাধাৰ টেমাত ভৰাই থোৱা কিছু ড্ৰাগছৰ লগতে এটা চিৰিঞ্জৰ সৈতে আটক কৰে ৷
পাছত আন এক ড্ৰাগছ সৰবৰাহকাৰী বোকাখাতৰ ৩ নং পূৱ দ গাঁৱৰ দীপজ্যোতি দলে (২৮)ক স্হানীয় ৰাইজে তেওঁৰ বাসগৃহৰ পৰা আটক কৰি বোকাখাত আৰক্ষীক চমজাই দিয়ে৷ জানিব পৰা মতে যুৱককেইজনে বহু দিনৰ পৰাই এই কাৰ্য্যত জড়িত আছিল ৷
