প্ৰধানমন্ত্ৰী নৰেন্দ্ৰ মোদীয়ে (Narendra Modi) মঙলবাৰে নতুন দিল্লীত ডুবাইৰ যুৱৰাজ তথা ভাৰত ভ্ৰমণলৈ অহা সংযুক্ত আৰব আমিৰশ্বাহীৰ উপ-প্ৰধানমন্ত্ৰী শ্বেখ হামদান বিন মহম্মদ বিন ৰছিদ আল মাকতুমৰ সৈতে বৈঠকত মিলিত হয়।
বৈদেশিক পৰিক্ৰমা মন্ত্ৰালয়ে কয়, “দুয়ো দেশে প্ৰতিৰক্ষা, বাণিজ্য, প্ৰযুক্তি আদিৰ বিষয়ে আলোচনা কৰে।” ইয়াৰ পূৰ্বে বৈদেশিক পৰিক্ৰমা মন্ত্ৰী এছ জয়শংকৰে যুৱৰাজক আদৰণি জনায়। জয়শংকৰে কয় যে আমাৰ বিস্তৃত সহযোগিতা আৰু সজীৱ সম্পৰ্কৰ ইতিবাচক মূল্যায়ন কৰা হ’ব।
বৈদেশিক পৰিক্ৰমা মন্ত্ৰালয়ৰ মতে, “পৰম্পৰাগতভাৱে ইউ এ ইৰ সৈতে ভাৰতৰ বাণিজ্যিক, সাংস্কৃতিক আৰু জনসাধাৰণৰ আদান-প্ৰদানত ডুবায়ে গুৰুত্বপূৰ্ণ ভূমিকা পালন কৰিছে।” ৰাজকুমাৰৰ এই ভ্ৰমণে দুয়োখন দেশৰ কৌশলগত অংশীদাৰিত্ব আৰু অধিক শক্তিশালী কৰিব।
