ASSAM TIMES POST
নিউজ ডেস্কঃ
মাত্ৰ অকনমাণ মাছ খোৱাৰ পাছতে এগৰাকী ষোড়শী গাভৰু বৃদ্ধালৈ ৰূপান্তৰিত হ’ল৷ ঘটনাটো অলৌকিক যেন লাগিলেও সত্য৷ এই ঘটনা সংঘটিত হয় ভিয়েটনামত৷ এগৰাকী ২৩ বছৰীয়া গাভৰুয়ে খাইছিল এচকল মাছ৷ তাৰ পাছৰ পৰাই গাভৰু গৰাকীৰ জীৱনলৈ নামি আহে বিপৰ্যয়৷
২৩ বছৰীয়া গাভৰুগৰাকী হৈ পৰে ৭৩ বছৰীয়া বৃদ্ধাৰ দৰে৷ মধ্যাহ্ন ভোজনত মাছ খাইছিল গৃহিণী থি ফুয়ঙে৷ তাৰ পাছৰে পৰা তেওঁৰ শৰীৰৰ পৰিবৰ্তন আহে৷ তেওঁৰ শৰীৰত এলাৰ্জী হয়৷ ইপিনে, চিকিৎসালয়লৈ যাব পৰা অৱস্থা নাই৷ এখন ফাৰ্মাচীৰ পৰা ঔষধ কিনি আনি খালে৷ কিন্তু কামত নাহিল৷ লাহে লাহে এলাৰ্জী বাঢ়িবলৈ ধৰিলে৷ সেয়া ২০০৮ চনৰ ঘটনা৷ তাৰ ১২ বছৰ ধৰি তেওঁৰ শৰীৰত ৰোগ বৃদ্ধি পাবলৈ ধৰিলে৷
এতিয়া নিজৰ অৱস্থা দেখি কান্দি উঠে গাভৰুগৰাকীয়ে৷ চিকিৎসকৰ মতে গাভৰুগৰাকী বিৰল লাইপোডিছট্ৰফি ৰোগত আক্ৰান্ত হয়৷ এই ৰোগৰ কোনো চিকিৎসা নাই৷ সমগ্ৰ বিশ্বত প্ৰায় দুহেজাৰ লোক এই ৰোগত আক্ৰান্ত৷ এই ৰোগত চালৰ তলত কোষৰ স্তৰ সৃষ্টি হয়৷ ফলত বৃদ্ধাৰ দিশে গতি কৰে৷
