বাংলাদেশৰ সীমান্তৱৰ্তী ৰাখাইনৰ পাছত এইবাৰ ম্যানমাৰৰ বিদ্ৰোহীয়ে মণিপুৰৰ সমীপৱৰ্তী চিনৰ প্ৰদেশ দখল (Manipur Myanmar Border) । এই অঞ্চলত ম্যানমাৰৰ কুকি জনগোষ্ঠীৰ (স্থানীয়ভাৱে কুকি-চিন নামেৰে জনাজাত) লোকে বাস কৰে । ফলত সীমান্তৰ সিপাৰৰ পৰা মণিপুৰত অনুপ্ৰৱেশৰ আশংকা কৰা হৈছে।
ম্যানমাৰৰ গণতন্ত্ৰ সমৰ্থক নেত্ৰী আং ছান ছু কিৰ স্বঘোষিত চৰকাৰ ৰাষ্ট্ৰীয় ঐক্য চৰকাৰৰ নিয়ন্ত্ৰণত থকা সংবাদ মাধ্যম ইৰাৱাডীয়ে প্ৰকাশ কৰা অনুসৰি চিন প্ৰদেশৰ ৮৫ শতাংশ বিদ্ৰোহী মিত্ৰজোঁটৰ নিয়ন্ত্ৰণত আছে।
বিদ্ৰোহী মিত্ৰজোঁটে কেইবামাহো পূৰ্বে থাইলেণ্ড আৰু চীনৰ সীমান্তৱৰ্তী অঞ্চলৰ বৃহৎ অংশ নিয়ন্ত্ৰণ কৰি সামৰিক জুন্টা বাহিনীক উৎখাত কৰিছিল। চলিত মাহৰ আৰম্ভণিতে বৃহত্তম বিদ্ৰোহী সশস্ত্ৰ সংগঠন আৰাকান আৰ্মীৰ নেতৃত্বত বিদ্ৰোহী মিত্ৰজোঁটে বাংলাদেশৰ সীমান্তত থকা ৰোহিংগীয়া জনবসতিপূৰ্ণ ৰাখাইন প্ৰদেশ দখল কৰে।
এইবাৰ মণিপুৰৰ সীমান্তও তেওঁলোকে দখল কৰে। ইৰাৱাডীৰ দাবী যে নতুন জুন্টা বিৰোধী মিত্ৰজোঁটৰ “য়াও প্ৰতিৰক্ষা বাহিনী”, “চিন ব্রাদাৰহুড”, ছাগাইন অঞ্চলত সক্ৰিয়। “য়াও সেনা” আৰু “মনিৱা পিপ’লছ ডিফেন্স ফ’ৰ্চ”-এ চিন প্ৰদেশ দখলত গুৰুত্বপূৰ্ণ ভূমিকা পালন কৰিছে।
২০২১ চনৰ ফেব্ৰুৱাৰী মাহত ম্যানমাৰৰ সেনাই গণতন্ত্ৰ সমৰ্থক নেতা আং ছান ছু কিৰ নেচনেল লীগ ফৰ ডেম’ক্ৰেচিৰ নেতৃত্বত অভ্যুত্থানেৰে চৰকাৰক উৎখাত কৰে। ফলত সামৰিক জুন্টা শাসন আৰম্ভ হয়।
ডেৰ-দুবছৰৰ পাছত ২০২৩ চনৰ নৱেম্বৰৰ পৰা দেশখনৰ তিনিটা বিদ্ৰোহী গোট— টাং নেচনেল লিবাৰেচন আৰ্মি (টিএনএলএ), আৰাকান আৰ্মী (এএ) আৰু ম্যানমাৰ নেচনেল ডেম’ক্ৰেটিক এলায়েন্স আৰ্মিৰ (এমএনডিএএ) নতুন মিত্ৰতা গঠন হয়।
‘থ্ৰী ব্ৰাদাৰহুড’ নামৰ মিত্ৰজোঁটৰ সামৰিক জুন্টাই চৰকাৰৰ বিৰুদ্ধে অভিযান আৰম্ভ হয়। সেই অপাৰেচনৰ ক’ড নাম আছিল ‘অপাৰেচন ১০২৭’।
