হাইস্কুল শিক্ষান্ত পৰীক্ষাৰ (HSLC Exam) সময়সূচী ঘোষণা। ২০২৫ বৰ্ষৰ ২১ জানুৱাৰীৰ পৰা হাইস্কুল শিক্ষান্ত পৰীক্ষা অনুষ্ঠিত হ’ব। শিক্ষা বিভাগৰ পৰীক্ষা নিয়ন্ত্ৰক নয়নজ্যোতি শৰ্মাই সোমবাৰে প্ৰকাশ কৰা মেট্ৰিকৰ সময়সূচীঅনুসৰি, ব্যৱহাৰিক পৰীক্ষাসমূহ ২১-২২ জানুৱাৰীত অনুষ্ঠিত হ’ব।
আনহাতে, মূল পৰীক্ষাসমূহ ইংৰাজী বিষয়ৰ পৰীক্ষাৰে ১৫ ফেব্ৰুৱাৰীৰ পৰা আৰম্ভ হ’ব। ২২ ফেব্ৰুৱাৰীত অনুষ্ঠিত হ’ব পৰ্যটন উদ্যোগ, কৃষি, ইলেক্ট্ৰ’নিক হাৰ্ডৱেৰ, যোগ, সংগীত, নৃত্য আৰু হস্তশিল্প আদি বিষয়ৰ পৰীক্ষা।
২৪ ফেব্ৰুৱাৰীত অনুষ্ঠিত হ’ব সাধাৰণ বিজ্ঞানৰ পৰীক্ষা। আনহাতে, ৩ মাৰ্চত ঐচ্ছিক বিষয়সমূহ যেনে ঐচ্ছিক গণিত, ভূগোল, ইতিহাস, সংস্কৃত, কম্পিউটাৰ বিজ্ঞান, বাণিজ্য, গৃহ বিজ্ঞান, আৰবী, নেপালী বিষয়ৰ পৰীক্ষা অনুষ্ঠিত হ’ব।
উল্লেখ্য যে এইবাৰৰ পৰা মেট্ৰিকত কোনো ৰেংক বা স্থানৰ ব্য়ৱস্থা নাথাকিব।
