প্ৰতিটো প্ৰাণীৰে চকু থাকে। সেই চকুৰে পৃথিৱীৰ বিভিন্ন সৌন্দৰ্য উপভোগ কৰে। চকু হ’ল এক অংশ, যাৰ মাধ্যমেৰে প্ৰাণীজগতৰ জীৱন-যাপন হয়। কিন্তু আপুনি হয়তো জানিলে আচৰিত হ’ব যে পৃথিৱীৰো চকু (Earth Eye) আছে। কিন্তু এই চকু ক’ত আছে?
‘পৃথিৱীৰ চকু’ নামেৰে পৰিচিত ক্ৰ’ৱেচিয়া অবিশ্বাস্যভাৱে সুন্দৰ প্ৰাকৃতিক অৱদান। ইয়াতে ইউৰোপৰ ডালমাচিয়া অঞ্চলৰ আটাইতকৈ দীঘল নদী চেটিনা নদীৰ উৎস। এই নদীখনে এড্ৰিয়াটিক সাগৰত প্ৰৱেশ কৰাৰ পূৰ্বে প্ৰায় ৬৫ মাইল অতিক্ৰম কৰে। ক্ৰ’ৱেচিয়াৰ সৰ্বোচ্চ পৰ্বতমালা ডিনাৰাৰ পাদদেশৰ মাজেৰে বৈ গৈছে এই নদীখন। নীলা আৰু সেউজীয়াৰ বিভিন্ন ছাঁৰ চকুৰ মণিৰ সৈতে ইয়াৰ আকৰ্ষণীয় সাদৃশ্যৰ বাবে এই ফোৱাৰাটোক ‘পৃথিৱীৰ চকু’ বুলি কোৱা হয়।
এই ঠাইখন সকলো পৰ্যটকৰ বাবে অন্যতম আকৰ্ষণীয় স্থান। পৃথিৱীৰ এই চকু চাবলৈ বছৰজুৰি ইয়াত পৰ্যটকৰ ভিৰ হয়। কেৱল সেয়াই নহয়, সাঁতোৰত পাকৈতসকলে পৃথিৱীৰ চকুত সাঁতুৰিবও পাৰে। অৱশ্যে ইয়াত গা ধুবলৈ পৰ্যটকসকলে চকুৰ ওপৰেৰে সাঁতুৰি যায়। তাৰ মাজত এটা গভীৰ অংশ আছে, তালৈ যাবলৈ কিন্তু বেছি সাহস দেখুৱাব নোৱাৰে।
কাষতে আছে এখন সৰু গাঁও। তাত এটা বিখ্যাত গীৰ্জা আছে। স্থানীয় বাসিন্দাসকলে কয় যে এই গীৰ্জাটো নব্বৈৰ দশকত নিৰ্মাণ কৰা হৈছিল। স্থানীয় প্ৰবাদ অনুসৰি, এই গীৰ্জাই পৃথিৱীৰ চকু ৰক্ষা কৰে।
